گلوکارہ نیہا ککڑ ایک بار پھر سوشل میڈیا پر ٹاک آف دی ٹاؤن بن گئی ہیں۔ حال ہی میں، انہوں نے انسٹاگرام پر دو پوسٹس شیئر کر کے اپنے کام اور ذاتی زندگی کے تعلق سے اہم اشارے کئے۔ پہلی پوسٹ میں نیہا نے اپنے آپ کو ذمہ داریوں اور رشتوں سے دور رکھنے کے بارے میں بات کی، جب کہ دوسری پوسٹ میں، انہوں نے پیپرازیوں سے اپیل کی کہ وہ ان کی پرائیویسی کا احترام کریں۔ تاہم کچھ ہی دیر بعد دونوں پوسٹس کو ڈیلیٹ کر دیا گیا۔

کام اور تعلقات سے وقفے کا اشارہ

نیہا ککڑ نے اپنی انسٹاگرام اسٹوری میں لکھا، یہ ذمہ داریوں، رشتوں، کام اور ان سب چیزوں سے وقفہ لینے کا وقت ہے۔ مجھے نہیں معلوم کہ میں واپس آو¿ں گی یا نہیں۔ انہوں نے پیپرازی اور مداحوں سے بھی اپیل کی کہ وہ اسے فلم نہ بنائیں اور اسے اپنی ذاتی زندگی گزارنے کی آزادی دیں۔ نیہا کے اس بیان نے مداحوں کو پریشان کر دیا ہے۔

پیپرازی سے رازداری کی اپیل

ایک اور پوسٹ میں نیہا نے واضح طور پر کہا کہ وہ اپنی ذاتی زندگی کا احترام چاہتی ہیں۔ انہوں نے لکھا کہ اسے آزادی سے جینے دیا جائے۔ تاہم پوسٹ ڈیلیٹ کیے جانے کے بعد بھی اس کے اسکرین شاٹس سوشل میڈیا پر وائرل ہو گئے جس سے قیاس آرائیاں شروع ہو گئیں۔

'کینڈی شاپ' تنازعہ کے بعد ردعمل

قابل ذکر ہے کہ نیہا ککڑ اور ان کے بھائی ٹونی ککڑ کا سنگل کینڈی شاپ 15 دسمبر 2025 کو ریلیز ہوا تھا، اس گانے کو سوشل میڈیا پر بڑے پیمانے پر تنقید کا سامنا کرنا پڑا تھا۔ اسے ان کے بیہودہ ڈانس اسٹیپس کی وجہ سے ٹرول کیا گیا اور اس پر پاپ فنکاروں کی نقل کرنے کا الزام بھی لگایا گیا۔ اس تنازع کے تقریباً ایک ماہ بعد نیہا کی پوسٹ ایک بار پھر سرخیوں میں ہے۔

ہندوستھان سماچار

ہندوستان سماچار / عطاءاللہ