نئی دہلی، 19 جنوری (ہ س)۔ بھارتیہ جنتا پارٹی (بی جے پی) کے قومی ورکنگ صدر نتن نبین نے پیر کو یہاں پارٹی کے مرکزی ہیڈکوارٹر میں جاری انتخابی عمل میں قومی صدر کے عہدے کے لیے اپنا نامزدگی داخل کیا۔بی جے پی کے موجودہ صدر جے پی نڈا نے سوشل میڈیا پلیٹ فارم ایکس پر لکھا کہ آج پارٹی ہیڈکوارٹر میں قومی صدر کے عہدے کے انتخاب کے لیے بی جے پی پارلیمانی پارٹی کے ساتھ نتن نبین کے کاغذات نامزدگی داخل کیے گئے۔

نامزدگی کے عمل کے دوران وزیر دفاع راج ناتھ سنگھ، وزیر داخلہ امت شاہ، مرکزی وزراءجے پی نڈا اور نتن گڈکری سمیت پارٹی کے کئی سینئر لیڈر موجود تھے۔ مختلف ریاستوں کے وزرائے اعلیٰ اور ریاستی یونٹ کے سربراہوں نے بھی پارٹی ہیڈکوارٹر میں شرکت کی اور اس عمل میں حصہ لیا۔پارٹی ذرائع کے مطابق نتن نبین قومی صدر کے عہدے کے لیے واحد امیدوار ہیں۔ اس لیے ان کا بلامقابلہ انتخاب یقینی سمجھا جاتا ہے۔اس سے پہلے گجرات کے وزیر اعلی بھوپیندر پٹیل اور چھتیس گڑھ کے وزیر اعلی وشنو دیو سائی سمیت مختلف ریاستوں کے رہنماو¿ں نے نتن نبین کی حمایت میں اپنے خطوط جمع کرائے تھے۔

قابل ذکر ہے کہ بی جے پی کی بنیاد 6 اپریل 1980 کو رکھی گئی تھی اور پارٹی کے قومی صدر اب تک اٹل بہاری واجپائی، ایل کے اڈوانی، مرلی منوہر جوشی، کشابھاو ٹھاکرے، بنگارو لکشمن، ایم وینکیا نائیڈو، راج ناتھ سنگھ، نتن گڈکری، امت شاہ، اور جے پی نڈا رہ چکے ہیں۔

ہندوستھان سماچار

ہندوستان سماچار / Mohammad Khan