کالیا بور میں کازیرنگا ایلیویٹڈ کوریڈور پروجیکٹ کا سنگ بنیاد رکھا گیا، جس پر 6,950 کروڑ روپے سے زیادہ لاگت آئے گی

کالیا بور (آسام)، 18 جنوری (ہ س)۔ آسام کے اپنے دو روزہ دورے کے دوران، وزیر اعظم نریندر مودی نے اتوار کو ناگاو¿ں ضلع کے کالیا بور میں 6,950 کروڑ روپے سے زیادہ کی لاگت والے کازیرنگا ایلیویٹڈ کوریڈور پروجیکٹ کا سنگ بنیاد رکھا اور دو امرت بھارت ایکسپریس ٹرینوں کو ہری جھنڈی دکھائی۔

کازیرنگا ایلیویٹڈ کوریڈور پروجیکٹ میں نیشنل ہائی وے 715 کے کالیابور-نومالی گڑھ سیکشن کی چار لین کی توسیع شامل ہے۔ ماحولیاتی تحفظ کو ذہن میں رکھتے ہوئے ڈیزائن کیے گئے اس منصوبے کا مقصد کازیرنگا نیشنل پارک کی حیاتیاتی تنوع کے تحفظ کو یقینی بناتے ہوئے علاقائی سڑک کے رابطے کو بہتر بنانا ہے۔ اس سے قبل، سوشل میڈیا پلیٹ فارم ایکس پر ایک پوسٹ میں، وزیر اعظم نے کہا تھا کہ وہ کالیا بور میں اہم ترقی کے لیے سنگ بنیاد کی تقریب کے منتظر ہیں۔

انہوں نے نوٹ کیا کہ کازیرنگا کے ذریعے 35 کلومیٹر طویل ایلیویٹڈ کوریڈور جنگلی حیات کے تحفظ میں مدد کرے گا، خاص طور پر مانسون کے دوران، اور رابطے کو بہتر بنائے گا۔ تقریباً 86 کلومیٹر کے اس منصوبے میں 35 کلومیٹر کا ایلیویٹڈ وائلڈ لائف کوریڈور شامل ہے جو کازیرنگا نیشنل پارک کے علاقے سے گزرے گا۔ مزید برآں، 21 کلو میٹر کا بائی پاس سیکشن تیار کیا جائے گا، جبکہ موجودہ این ایچ-715 کے تقریباً 30 کلومیٹر کو دو لین سے بڑھا کر چار لین کیا جائے گا۔

یہ راہداری ناگاوں، کاربی انگلونگ اور گولاگھاٹ اضلاع سے گزرے گی، جس سے بالائی آسام، خاص طور پر ڈبرو گڑھ اور تینسوکیا کے ساتھ سڑک کے رابطے میں نمایاں بہتری آئے گی۔ اس منصوبے سے جنگلی حیات کی بلا روک ٹوک نقل و حرکت کو یقینی بنانے اور انسانی وائلڈ لائف کے تصادم کو کم کرنے کی امید ہے۔ اس سے سڑک کی حفاظت کو بہتر بنانے، سفر کے وقت اور حادثات کی شرح کو کم کرنے، اور مسافروں اور مال بردار نقل و حمل میں اضافے کی حمایت کی بھی توقع ہے۔ یہ منصوبہ جاکھل بندھا اور بوکاکھاٹ میں بائی پاس تعمیر کرے گا، شہری علاقوں میں ٹریفک کی بھیڑ کو کم کرے گا اور مقامی لوگوں کے سفر میں سہولت فراہم کرے گا۔

پروگرام کے دوران، وزیر اعظم نے گوہاٹی (کامکھیا) - روہتک امرت بھارت ایکسپریس اور ڈبرو گڑھ-لکھنو¿ (گومتی نگر) امرت بھارت ایکسپریس کو ہری جھنڈی دکھائی۔ یہ نئی ٹرین خدمات شمال مشرقی اور شمالی ہندوستان کے درمیان ریل رابطے کو مضبوط بنائیں گی اور مسافروں کو محفوظ اور آسان سفری اختیارات فراہم کریں گی۔ آسام کے وزیر اعلیٰ ہمانتا بسوا سرما، مرکزی جہاز رانی کے وزیر سربانند سونووال، مرکزی وزیر مملکت برائے امور خارجہ پبیترا مارگریٹا، آسام حکومت کے وزراءاتل بورا اور کیشو مہانتا سمیت دیگر لوگ اس تقریب میں موجود تھے۔

---------------

ہندوستان سماچار / عبدالسلام صدیقی