سلمان خان کی آنے والی فلم 'بیٹل آف گلوان' کے بارے میں چین کے سرکاری میڈیا کی جانب سے اٹھائے گئے اعتراض کے بارے میں وزارت خارجہ نے واضح کیا کہ اس طرح کے معاملات میں اس کا کوئی کردار نہیں ہے۔

وزارت خارجہ کے ترجمان رندھیر جیسوال نے جمعہ کو کہا کہ ہم سمجھتے ہیں کہ ایسی فلم کی منصوبہ بندی کی جا رہی ہے۔ ہندوستان میں فلم سازی سے متعلق معاملات متعلقہ حکام سنبھالتے ہیں۔ ایسے معاملات میں وزارت خارجہ کا کوئی کردار نہیں ہے۔

قابل ذکر ہے کہ چین کے سرکاری میڈیا نے اس فلم پر اعتراض کیا ہے۔ ایک آرٹیکل میں کہا گیا ہے کہ دونوں ممالک کے تعلقات میں بہتری کے درمیان ایسی فلموں کی ریلیز نامناسب ہے۔ مزید یہ کہ فلم حقائق کو درست طریقے سے پیش نہیں کرتی ہے۔

سلمان خان کی یہ فلم 2020 میں ہندوستان اور چین کے درمیان وادی گلوان میں ہونے والے فوجی تصادم پر مبنی ہے، جس نے دونوں ملکوں کے درمیان تقریباً پانچ سال تک تعلقات کو خراب کیا۔

ہندوستھان سماچار

ہندوستان سماچار / عطاءاللہ