امپھال، 15 جنوری (ہ س)۔ منی پور میں سیکورٹی فورسز اور پولیس کے مشترکہ آپریشن میں پانچ عسکریت پسندوں کو گرفتار کیا گیا۔ پولیس نے ان کے پاس سے موبائل فون اور سم کارڈ برآمد کر لیے۔

پولیس کے ایک ترجمان نے جمعرات کو بتایا کہ بدھ کے روز کے وائی کے ایل کے ایک سرگرم کیڈر، شگولسیم لوکیشور سنگھ (35) عرف شرت عرف ایبونگو کو امپھال مغربی ضلع کے سیکمائی تھانہ علاقے کے تحت سیکمائی کھنو سے گرفتار کیا گیا۔ وہ امپھال ویسٹ کے کانٹو سبل کا رہنے والا ہے اور اس وقت منٹوپ یومفام ریلیف کیمپ میں مقیم تھا۔ اس کے پاس سے دو سم کارڈ اور ایک موبائل فون ضبط کیا گیا ہے۔ اسی دن ایک اور کارروائی میں کے وائی کے ایل (سوریپا) کیڈر شمولائیلاتپم اربن شرما عرف پھیرےپا (19) جو امپھال مغربی ضلع کے امپھال تھانہ علاقے کے تحت ا±ریپوک اچوم لیکئی کے رہنے والے تھے، کو امپھال مغربی ضلع کے امپھال تھانہ علاقے کے تحت ا±ریپوک اچوم لیکئی سے گرفتار کیا گیا۔ وہ نونگ پوک سیکمائی مکھا لیکئی کا رہائشی ہے اور اس وقت سلام مامنگ لیکئی میں مقیم تھا۔ اس کے پاس سے ایک سم کارڈ اور ایک موبائل فون برآمد ہوا ہے۔

مزید برآں، منی پور پولیس نے امپھال مشرقی ضلع کے ہینگانگ پولیس اسٹیشن کے تحت منی پوریکھری لاملونگئی ماننگ لیکائی سے تین کے سی پی (نوین) کیڈروں کو وصولی کے الزام میں گرفتار کیا۔ گرفتار ملزمین کی شناخت چھمکھم تبراج سنگھ عرف تھوتھوئبا (19) ساکن لملی اوانگ لیکئی، سنجن بام متراجیت سنگھ عرف کورونگنبا (54) ساکن سیگا روڈ، خوارکپم لیکئی، امپھال ویسٹ، اور وائینگ بام تھونگمبا ساکن ایسٹ کالج، جی 19 کے طور پر کی گئی ہے۔

---------------

ہندوستان سماچار / عبدالسلام صدیقی