کھٹمنڈو، 4 ستمبر (ہ س)۔ حکومت نے ان سوشل میڈیا پلیٹ فارمز پر پابندی لگانے کا فیصلہ کیا ہے جو وزارت مواصلات اور انفارمیشن ٹیکنالوجی کے ساتھ رجسٹرڈ نہیں ہیں۔

جمعرات کو وزیر مواصلات پرتھوی سبا گرونگ کی صدارت میں ہوئی میٹنگ میں ان سوشل میڈیا پلیٹ فارمز پر پابندی لگانے کا فیصلہ کیا گیا جنہوں نے مقررہ وقت کے اندر اندراج نہیں کیا ہے۔

وزیر گرونگ نے کہا کہ حکومت نے پچھلی بار تمام سوشل میڈیا سائٹس کو فہرست سازی کے لیے سات دن کی ڈیڈ لائن دی تھی۔ یہ ڈیڈ لائن کل رات 12 بجے ختم ہو گئی تھی، اس لیے آج یہ فیصلہ کیا گیا۔

حکومت کے اس فیصلے کے بعد نیپال میں سوشل میڈیا پلیٹ فارم فیس بک، ٹوئٹر، انسٹاگرام، واٹس ایپ، یوٹیوب، گوگل، میسنجر وغیرہ کو غیر فعال کرنے کے لیے نیپال ٹیلی کام کو خط بھیجا گیا ہے۔ نیپال میں اب تک صرف ٹک ٹاک، وائبر، نمبز، ویٹاک اور پوپو لائیو نے کمپنی رجسٹرار آفس میں رجسٹریشن کرایا ہے۔

ہندوستھان سماچار

---------------

ہندوستان سماچار / عبدالواحد