بھوپال، 03 ستمبر (ہ س)۔

سال 2025 کا نیشنل ٹیچر ایوارڈ مدھیہ پردیش کے 2 اساتذہ کو صدر جمہوریہ دروپدی مرمو کے ذریعہ جمعہ 5 ستمبر کو یوم اساتذہ کے موقع پر نئی دہلی کے وگیان بھون میں منعقدہ ایک قومی تقریب میں دیا جائے گا۔ قومی ایوارڈ سے نوازے جانے والے اساتذہ میں دموہ ضلع کی پرائمری ٹیچر شیلا پٹیل گورنمنٹ پرائمری اسکول دیوران ٹپریا میں تعینات ہیں، جب کہ آگر-مالوا ضلع کے سیکنڈری ٹیچر بھیرولال اوسارا گورنمنٹ ای پی ای ایس سیکنڈری اسکول کھیریا سسنر میں تعینات ہیں۔

پبلک ریلیشن آفیسر مکیش مودی نے بدھ کو بتایا کہ مدھیہ پردیش کے تمام 55 اضلاع میں سے 45 اضلاع میں 145 اساتذہ نے نیشنل ٹیچر ایوارڈ-2025 کے لیے اپنا اندراج کرایا ہے۔ اس کے بعد ریاستی سطح کی سلیکشن کمیٹی نے 6 اساتذہ کی سفارش مرکزی وزارت تعلیم کے اسکول ایجوکیشن اینڈ لٹریسی ڈپارٹمنٹ کو بھیجی۔ اس عمل کے بعد مدھیہ پردیش کے 2 اساتذہ کو نیشنل ٹیچر ایوارڈ کے لیے منتخب کیا گیا ہے۔

اسکولی تعلیم وزیر ادے پرتاپ سنگھ نے قومی ایوارڈ کے لیے منتخب اساتذہ کو مبارکباد دی ہے۔ انہوں نے کہا ہے کہ جن اساتذہ کو تعلیمی میدان میں ان کے نمایاں کام کے لئے اعزاز سے نوازا جا رہا ہے وہ ریاست کے دیگر اساتذہ کے لئے بھی تحریک کا کام کریں گے۔

شیلا پٹیل نے اپنے اسکول میں بچوں کو کھیلوں کے ذریعے خوش کن تعلیم دی ہے۔ انہوں نے گانوں، نظموں، کہانیوں اور اداکاری کے ذریعے فاونڈیشن لٹریسی مشن (ایف ایل این) کو نافذ کیا ہے۔ اس کے ساتھ انہوں نے چھٹیوں کے دوران خواتین کی خواندگی کو فروغ دینے کے لیے خصوصی کلاسز کا انعقاد کیا۔ شیلا پٹیل نے چھٹیوں کے دوران سمر کیمپ اور ونٹر کیمپس کا اہتمام کیا۔ انہوں نے بچوں کو پڑھانے کے مقصد سے گاوں کی ہر گلی اور محلے میں تعلیمی پینل اور سیکھنے کی جگہیں تیار کروائیں۔ ٹیچر پٹیل نے بچوں میں پڑھائی میں دلچسپی پیدا کرنے کے لیے صفر لاگت پر ٹیچنگ لرننگ میٹریل (ٹی ایل ایم) تیار کیا۔ بچوں کے درمیان افہام و تفہیم کو فروغ دینے کے لیے، انہوں نے بنیادی طور پر گروپ ڈسکشن اور ان کی شرکت بڑھانے پر کام کیا۔

استاد بھیرولال اوسارا نے اپنے اسکول میں موضوع کی گہری سمجھ کے ساتھ پڑھایا اور بچوں میں اخلاقیات اور تخلیقی صلاحیتوں کی حوصلہ افزائی کی۔ اسکول نے ایکو کلب اور کلیپ کلب کے ساتھ مل کر ماحولیاتی تحفظ کے لیے ٹھوس کام کیا۔ بچوں کو صفائی، پانی کے تحفظ، شجرکاری، پلاسٹک کے خاتمے اور سبز طرز زندگی کے بارے میں جدید طریقے سے تعلیم دی۔

استاد بھیرولال نے باقاعدگی سے اسٹریٹ ڈرامے، ریلیاں، پوسٹرز، مضمون نویسی کی ورکشاپس کا انعقاد کیا اور بچوں میں مطالعہ میں دلچسپی پیدا کرنے کے لیے ورکشاپس کا بھی اہتمام کیا۔ ڈیجیٹل دور کی اہمیت کو سمجھتے ہوئے، انہوں نے طلباء میں آن لائن حفاظت کے بارے میں بیداری پھیلانے کے لیے اہم کام کیا۔ انہوں نے سائبر کرائم کے خطرات، سوشل میڈیا کے محفوظ استعمال، پاس ورڈ کی حفاظت وغیرہ جیسے اہم مسائل پر بچوں کو معلومات فراہم کیں۔ بہت سے قریبی اساتذہ نے بھی ان کے کام سے تحریک لی ہے۔

ہندوستھان سماچار

---------------

ہندوستان سماچار / انظر حسن