ٹرک اور موٹر سائیکل کی ٹکر، موٹر سائیکل سوار دو دوست جاں بحق
شاہجہاں پور، 20 ستمبر (ہ س)۔ اترپردیش کے شاہجہاں پور ضلع کے کلان تھانہ علاقے میں جمعہ کی دیر رات ایک موٹر سائیکل اور ٹرک کے درمیان ٹکر میں موٹر سائیکل پر سوار دو دوستوں کی موت ہو گئی۔ پولیس نے لاشوں کو پوسٹ مارٹم کے لیے بھیج دیا ہے۔ انہوں نے ٹرک کو اپنی تحویل میں لے لیا ہے اور فرار ڈرائیور کی تلاش جاری ہے۔
انسپکٹر انچارج پربھاش چندرا نے ہفتہ کو بتایا کہ کلان کا رہنے والا انوج کمار (25) اپنے دوست سوربھ عرف مونو تیواری (28) کے ساتھ موٹر سائیکل پر جلال آباد گیا تھا۔ جمعہ کی دیر رات جلال آباد سے کلان واپس آتے ہوئے کلان علاقے نوگواں مبارک پور کے قریب ان کی موٹر سائیکل ٹرک سے ٹکرا گئی۔ حادثے میں دونوں نوجوان شدید زخمی ہو گئے۔ اطلاع پر پہنچی پولیس نے زخمیوں کو فوری طور پر کلان کے سرکاری اسپتال پہنچایا جہاں ڈاکٹروں نے انہیں مردہ قرار دے دیا۔ انہوں نے بتایا کہ لاشوں کو پوسٹ مارٹم کے لیے بھیج دیا گیا ہے۔ پولیس نے ٹرک کو قبضے میں لے کر ڈرائیور کی تلاش شروع کر دی ہے۔
ہندوستھان سماچار
---------------
ہندوستان سماچار / انظر حسن
