نئی دہلی، 18 ستمبر (ہ س)۔ مرکزی وزیر جنگلات اور ماحولیات بھوپیندر یادو اور دہلی کی وزیر اعلیٰ ریکھا گپتا کی موجودگی میں 72 سے زیادہ ممالک کے 75 سفیروں، ہائی کمشنروں اور مشنوں کے سربراہوں نے جمعرات کو ”ایک پیڑ ماں کے نام“ مہم کے تحت اپنی ماو¿ں کے نام پر پودے لگائے۔ یہ شجرکاری پروگرام دہلی کے پی بی جی گراونڈ میں وزیر اعظم نریندر مودی کے یوم پیدائش پر شروع کیے گئے سیوا پکھواڑا کے ایک حصے کے طور پر منعقد کیا گیا تھا۔ اس موقع پر دہلی کے وزیر ماحولیات منجندر سنگھ سرسا بھی موجود تھے۔

مرکزی وزیر بھوپیندر یادو نے کہا کہ یہ پوری دنیا کے لئے ایک بہت بڑی تقریب ہے۔ وزیر اعظم مودی کی ماں کے لیے پودے لگانے کی اپیل ہمیں یاد دلاتی ہے کہ زمین کو بچانا ہر ایک کی ذمہ داری ہے۔ اس موقع پر کئی سفیر اور ہائی کمشنر اپنی ماوں کو یاد کر کے جذباتی ہو گئے۔ سیوا پکھواڑا کے حصے کے طور پر 25 ستمبر کو ملک بھر میں 75 ملین پودے لگائے جائیں گے۔ آج اس کی خوشبو ہندوستان سے پوری دنیا تک پہنچ چکی ہے۔

وزیر اعلیٰ گپتا نے کہا کہ دہلی کے سبز احاطہ میں 25 فیصد اضافہ ہوا ہے جو کہ دیگر تمام ریاستوں کے مقابلے میں سب سے زیادہ ہے۔”ایک پیڑ ما ںکے نام“ صرف ایک مہم نہیں ہے، بلکہ ایک عوامی تحریک ہے۔ آپ جو بھی پودے لگاتے ہیں وہ ماں کی محبت اور شفقت کی علامت ہے۔ انہوں نے مزید کہا کہ 72 ممالک کے سفارت کاروں نے اپنی ماو¿ں کے نام پر دہلی میں پودے لگائے۔ یہ منظر ظاہر کرتا ہے کہ ماں کا رشتہ نہ زبان کا پابند ہوتا ہے نہ سرحدوں کا۔ ماں کا نام پکارا جائے تو ساری زمین ایک ہو جاتی ہے۔

وزیر اعلیٰ نے کہا کہ ”ایک پیڑ ماں کے نام 2.0“ مہم، جو وزیر اعظم مودی کے یوم پیدائش پر شروع کی گئی سیوا پکھواڑا کا حصہ ہے، نہ صرف ماحولیاتی تحفظ کا پیغام دیتی ہے بلکہ ماں اور دھرتی ماں دونوں کے تئیں ہماری شکر گزاری کی علامت بھی ہے۔ دہلی حکومت اس سال 70 لاکھ پودے لگانے کے عہد کے ساتھ آگے بڑھ رہی ہے۔ انہوں نے سب پر زور دیا کہ وہ اپنی ماں کے نام پرپودے لگائیں۔

وزیر سرسا نے کہا کہ وزیر اعظم مودی کے ایک پیڑماں کے نام کے عزم کو عالمی سطح پر پہچان ملی ہے۔ 72 سے زیادہ ممالک کے سفیروں اور ہائی کمشنروں نے وزیر اعظم مودی کی 75 ویں سالگرہ کے موقع پر پودے لگائے۔ یہ وزیر اعظم مودی کی عالمی قیادت کا ثبوت اور تمام ہندوستانیوں کے لیے قابل فخر لمحہ ہے۔ وزیر اعظم مودی کے وژن کے تحت دہلی تیزی سے گرین کیپیٹل بننے کی طرف بڑھ رہی ہے۔

ہندوستھا ن سماچار

ہندوستان سماچار / محمد شہزاد