آرٹس، سائنس اور کامرس میں گریجویٹ بے روزگار نوجوانوں کوبھی سیلف ہیلپ الاؤنس اسکیم کا فائدہ دیا جائے گا پٹنہ، 18 ستمبر (ہ س)۔ وزیر اعلیٰ نتیش کمار اپوزیشن جماعتوں کے لیے کوئی انتخابی مدعا چھوڑنے کے موڈ میں نہیں ہیں۔ اسی حکمت عملی کے تحت جمعرات کے روز انہوں نے وزیر اعلیٰ کی سیلف ہیلپ الاؤنس اسکیم کو توسیع دینے کا اعلان کیا، جو پہلے سے ریاستی حکومت کے 7 عزائم منصوبہ کے تحت چل رہی ہے۔ اس اقدام کے تحت سیلف ہیلپ الاؤنس اسکیم، جو پہلے انٹرمیڈیٹ گریجویٹس کو پیش کی جاتی تھی، اب آرٹس، سائنس اور کامرس کے بے روزگار گریجویٹس تک بھی بڑھائی جائے گی۔وزیر اعلیٰ نے جمعرات کی صبح اپنے انسٹاگرام اکاونٹ پر ایک پوسٹ میں کہا کہ نومبر 2005 میں نئی حکومت کے قیام کے بعد سے زیادہ سے زیادہ نوجوانوں کو سرکاری ملازمتیں اور روزگار فراہم کرنا اور انہیں بااختیار بنانا ہماری ترجیح رہی ہے۔ جیسا کہ آپ جانتے ہیں کہ آئندہ پانچ برسوں میں ایک کروڑ نوجوانوں کو سرکاری نوکریاں اور روزگار فراہم کرنے کا ہدف رکھا گیا ہے۔ آئندہ برسوں میں سرکاری اور نجی شعبوں میں بڑی تعداد میں نئی ملازمتوں اور روزگار کے مواقع پیدا ہوں گے۔ اس مقصد کے حصول کے لیے نوجوانوں کو ہنر مندی کی تربیت فراہم کی جا رہی ہے تاکہ وہ روزگار حاصل کر سکیں۔ بتاتے ہوئے خوشی ہو رہی ہے کہ وزیر اعلیٰ سیلف ہیلپ الاؤنس اسکیم، جو پہلے سے ریاستی حکومت کے 7 عزائم منصوبہ کے تحت چل رہی ہے، کو بڑھا دیا گیا ہے۔وزیر اعلیٰ نے کہا کہ سیلف ہیلپ الاؤنس اسکیم پہلے انٹرمیڈیٹ گریجویٹ نوجوانوں کو فراہم کی جاتی تھی، اب اس کی آرٹس، سائنس اور کامرس کی ڈگریوں یافتہ بے روزگار گریجویٹ تک توسیع کر دی گئی ہے۔ 20 سے 25 سال کی عمر کے گریجویٹ نوجوان جو تعلیم حاصل نہیں کر رہے ہیں اور روزگار کی تلاش میں ہیں، خود کا روزگار نہیں ہے، یا کسی سرکاری، نجی، یا غیر سرکاری تنظیموں میں ملازمت نہیں کر رہے ہیں، انہیں بھی زیادہ سے زیادہ دو سال تک 1,000 ماہانہ کی شرح سے وزیر اعلیٰ کا سیلف ہیلپ الاؤنس ملے گا۔ مجھے امید ہے کہ یہ نوجوان اس امدادی الاؤنس کو ضروری تربیت حاصل کرنے اور مسابقتی امتحانات کی تیاری کے لیے استعمال کریں گے، اس طرح اپنا مستقبل محفوظ بنائیں گے۔ ریاستی حکومت کے اس بصیرت انگیز اقدام کا مقصد ریاست کے نوجوانوں کو روزگار کے زیادہ سے زیادہ مواقع فراہم کرنا ہے۔ یہاں کے تعلیم یافتہ نوجوان خود انحصار، ہنر مند اور روزگار پر مبنی بنیں گے، جس سے وہ ریاست اور ملک کی ترقی میں اہم کردار ادا کر سکیں گے۔ہندوستھان سماچار

ہندوستان سماچار / Mohammad Afzal Hassan