ملاں پور، 17 ستمبر (ہ س)۔

نائب کپتان اسمرتی مندھانا نے بدھ کو مہاراجہ یادوندر سنگھ انٹرنیشنل کرکٹ اسٹیڈیم میں آسٹریلیا کے خلاف دوسرے ون ڈے میں ریکارڈ ساز اننگز کھیلی۔ انہوں نے ہندوستان کے لیے دوسری تیز ترین سنچری اسکور کی، جس نے راستے میں کئی ریکارڈ توڑ ڈالے۔

مندھانا صرف ایک دن پہلے ہی ہندوستانی خواتین کی ون ڈے بیٹنگ رینکنگ میں نمبر 1 بنی تھیں۔ جب ہندوستان کو پہلے بلے بازی کا موقع ملا تو مندھانا نے دھماکہ خیز انداز میں بلے بازی کی اور اپنی 12ویں ون ڈے سنچری تک پہنچی، جس نے انگلینڈ کی ٹیمی بیومونٹ کے 12 سنچریوں کے ریکارڈ کی برابری کی۔ مندھانا نے یہ کارنامہ صرف 106 اننگز میں انجام دیا جب کہ بیومونٹ نے 130 اننگز کھیلی تھیں۔

مندھانا نے 29ویں اوور کی پہلی گیند پر چوکا لگا کر صرف 77 گیندوں میں اپنی سنچری مکمل کی۔ یہ آسٹریلیا کے خلاف ون ڈے کی دوسری تیز ترین سنچری ہے۔ یہ بھارت کی جانب سے بھی دوسری سب سے سیز سنچری ہے جو ان کے ہی نام درج ہے، جو انہوں نے اس سال راج کوٹ میں ائر لینڈ کے خلاف 70 گیندوں پر بنائی تھی۔

مندھانا خواتین کی ون ڈے کرکٹ کی تاریخ میں دو مختلف کیلنڈر سالوں میں تین یا اس سے زیادہ سنچریاں بنانے والی پہلی کھلاڑی بن گئیں۔ انہوںنے 2024 میں چار سنچریاں بنائی تھیں۔ 29 سالہ نو اس جوان کی اننگز کا اختتام 33 ویں اوور میں ہوا جب تاہلیا میکگرا کی گیند پر ایشلے گارڈنر نے انہیں 117 (91 گیندوں) پر کیچ کر لیا۔

میچ سے ایک دن پہلے، مندھانا نے آئی سی سی رینکنگ میں دوبارہ نمبر ایک مقام حاصل کر لیا تھا۔ یہ ان کی اس پوزیشن پر پہنچنے کا چوتھا موقع ہے۔ وہ پہلی بار جنوری 2019 میں ٹاپ پوزیشن پر پہنچیں اور آخری بار جولائی 2025 میں اس پوزیشن پر فائز ہوئیں۔

پہلے ون ڈے میں مندھانا نے بھی 63 گیندوں پر 58 رنز بنائے جس میں چھ چوکے اور دو چھکے شامل تھے۔ اس کے ساتھ وہ نیوزی لینڈ کی ایمی سیٹرتھ ویٹ کو پیچھے چھوڑ کر ون ڈے میں سب سے زیادہ رنز بنانے والی ساتویں کھلاڑی بن گئیں۔

مندھانا کے آو¿ٹ ہونے کے بعد دپتی شرما (40 رنز، 53 گیندوں)، ریچا گھوش (29 رنز، 33 گیندوں) اور اسنیہ رانا (24 رنز، 18 گیندوں) نے ہندوستان کی اننگز کو آگے بڑھانے میں اہم کردار ادا کیا۔ ان کی شراکت کی بدولت، ہندوستان نے 50 اوورز میں 292 رنز کا مشکل ہدف حاصل کیا۔

ہندوستھان سماچار

ہندوستان سماچار / عطاءاللہ