کاٹھمنڈو، 16 ستمبر (ہ س)۔ نیپال میں ہندوستانی سفیر نوین سریواستو نے منگل کی سہ پہر سنگھ دربار میں عبوری وزیر اعظم سشیلا کارکی سے ملاقات کی۔ انہوں نے بھارتی وزیراعظم نریندر مودی کی طرف سے باضابطہ مبارکبادی خط حوالے کیا۔ سشیلا کارکی کے ساتھ اس ملاقات کو نیپال میں عبوری حکومت کے قیام کے بعد ہندوستان کے ساتھ دوستانہ تعلقات استوار کرنے کی کوشش کے طور پر دیکھا جا رہا ہے۔ منگل کی شام 4 بجے ہونے والی اس رسمی میٹنگ نے جمعرات کو وزیر اعظم نریندر مودی کے ساتھ ویڈیو کانفرنس کی بات چیت کا ایجنڈا طے کیا ہے۔ پی ایم او کے عہدیداروں نے بتایا کہ ابتدائی طور پر آج سہ پہر 3:15 بجے ویڈیو کال کی منصوبہ بندی کی گئی تھی، لیکن شیڈول میں دشواریوں کی وجہ سے، دونوں فریقین جمعرات کو صبح 11:30 بجے کے لیے راضی ہوگئے۔

---------------

ہندوستان سماچار / عبدالسلام صدیقی