پی ڈی پی لیڈر التجا مفتی نے ایل جی منوج سنہا سے ملاقات کی۔ قومی شاہراہ کی بندش کی وجہ سے ایپل انڈسٹری کے 'بحران' کے بارے میں آگاہ کیا۔

سرینگر، 16 ستمبر( ہ س)۔ پی ڈی پی لیڈر التجا مفتی نے منگل کو جموں و کشمیر کے لیفٹیننٹ گورنر منوج سنہا سے ملاقات کی اور انہیں گزشتہ چند ہفتوں سے جموں سری نگر قومی شاہراہ کی بندش کی وجہ سے مرکز کے زیر انتظام علاقے کی ایپل انڈسٹری کو درپیش بحران سے آگاہ کیا۔ کشمیر سے پھلوں سے لدے ٹرک شدید بارشوں اور سیلاب کے بعد اہم شاہراہ کے بند ہونے کی وجہ سے کئی دنوں سے پھنسے ہوئے ہیں، کاشتکار نقصان کا اندیشہ ظاہر کر رہے ہیں۔ واضح ہو کہ ایک دن پہلے، کشمیر میں سیب کے کاشتکاروں اور تاجروں نے ہائی وے کی بندش اور اس معاملے میں سرکاری بے عملی کے خلاف احتجاج کیا۔ مفتی نے ایکس پر ایک پوسٹ میں یہ جانکاری دی ہے۔ انہوں نے کہا کہ سنہا نے انہیں یقین دلایا ہے کہ مزید نقصانات سے بچنے کے لیے ہائی وے پر ٹرکوں کی ہموار آمدورفت کو تیز کیا جائے گا۔ہندوستھان سماچار

ہندوستان سماچار / Aftab Ahmad Mir