نئی دہلی، 14 ستمبر (ہ س)۔

آسٹریلیا اے کے خلاف تین میچوں کی ون ڈے سیریز کے لیے انڈیا اے ٹیم کا اعلان کر دیا گیا ہے۔ سیریز کے لیے دو مختلف کپتانوں کا تقرر کیا گیا ہے۔ رجت پاٹیدار کو پہلے میچ کے لیے کپتان بنایا گیا ہے جب کہ دوسرے اور تیسرے میچ کی ذمہ داری تلک ورما کو سونپی گئی ہے۔ آسٹریلیا اے کے خلاف یہ سیریز 30 ستمبر سے کھیلی جائے گی۔اس سے قبل دو کثیر روزہ میچوں کے لیے شریس ایئر کی کپتانی میں ٹیم کا اعلان کیا گیا تھا۔

بورڈ آف کنٹرول فار کرکٹ ان انڈیا (بی سی سی آئی) نے اتوار کو کہا کہ سینئر مردوں کی سلیکشن کمیٹی نے آسٹریلیا اے کے خلاف کانپور میں ہونے والی تین میچوں کی ون ڈے سیریز کے لیے انڈیا اے ٹیم کا اعلان کر دیا ہے۔ یہ میچز 30 ستمبر، 03 اکتوبر اور 05 اکتوبر کو کھیلے جائیں گے اور تمام میچ گرین پارک اسٹیڈیم میں دوپہر 1:30 بجے شروع ہوں گے۔

پہلے ون ڈے کے لیے انڈیا اے ٹیم: رجت پاٹیدار (کپتان)، پربھسمرن سنگھ (وکٹ کیپر)، ریان پراگ، آیوش بدونی، سوریانش شیڈگے، وپراج نگم، نشانت سندھو، گرجپنیت سنگھ، یودھویر سنگھ، روی بشنوئی، ابھیشیک پوریل (وکٹ کیپر)، پرینشیت سنگھ، پرین جیت سنگھ۔

دوسرے اور تیسرے ون ڈے کے لیے انڈیا اے ٹیم: تلک ورما (کپتان)، رجت پاٹیدار (نائب کپتان)، ابھیشیک شرما، پربھسمرن سنگھ (وکٹ کیپر)، ریان پراگ، آیوش بدونی، سوریانش شیڈگے، وپراج نگم، نشانت سندھو، گرجاپنیت سنگھ، یودھویر سنگھ، روی بشنوئی،ابھیشیک پوریل(وکٹ کیپر) ہرشت رانا ، ارشدیپ سنگھ۔

ہندوستھان سماچار

ہندوستان سماچار / عطاءاللہ