بارہمولہ، یکم ستمبر، (ہ س): شمالی کشمیر کے بارہمولہ ضلع میں پولیس نے ٹنگمرگ میں ایک چیک پوائنٹ آپریشن کے دوران تین افراد کو ان کے قبضے سے ممنوعہ مواد برآمد کرنے کے بعد گرفتار کیا۔ تفصیلات کے مطابق پولیس اسٹیشن ٹنگمرگ کی ایک پولیس پارٹی نے، اسٹیشن ہاؤس آفیسر کی قیادت میں درنگ کراسنگ پر تین افراد کو روکا۔جن میں الطاف احمد حجام ولد محمد عبداللہ حجام، سہیل احمد لون ولد محمد مقبول لون اور مدثر احمد لون ولد غلام نبی لون شامل ہیں جو تمام ونیلو حاجیبل کے رہائشی ہیں۔ ان کی تلاشی کے دوران، پولیس نے تقریباً 20 گرام براؤن شوگر نما مادہ برآمد کیا، جس کے بارے میں شبہ ہے کہ یہ منشیات ہے۔ تینوں کو حراست میں لے لیا گیا اور پولیس اسٹیشن ٹنگمرگ منتقل کردیا گیا جہاں وہ زیر حراست ہیں۔ پولیس نے بتایا کہ ایف آئی آر نمبر 67/2025 کے تحت این ڈی پی ایس ایکٹ کی دفعہ 8، 21 اور 29 کے تحت مقدمہ درج کیا گیا ہے اور مزید تفتیش جاری ہے۔ہندوستھان سماچار

ہندوستان سماچار / Aftab Ahmad Mir