کائنات کی تخلیق اپنے آپ میں ایک حیرت انگیز معجزہ ہے اور بچے کی پیدائش قدرت کے حسین ترین معجزات میں سے ایک ہے۔ سائنس نے اس عمل کو نہ صرف سمجھا بلکہ اسے ایک نئی سمت بھی دی۔ ہندوستان نے ایسی تاریخی کامیابی 6 اگست 1986 کو حاصل کی جب ملک کے پہلے ’’ٹیسٹ ٹیوب بے بی‘‘ کی پیدائش ہوئی۔

یہ دن ہندوستانی طب اور حیاتیاتی پیداواری ٹیکنالوجی کی تاریخ میں ایک سنگ میل ثابت ہوا۔ اس عمل کو سائنسی زبان میں ان وٹرو فرٹیلائزیشن (آئی وی ایف) کہا جاتا ہے، جس میں ماں کے جسم کے باہر بیضہ اور سپرم کو ملایا جاتا ہے اور اس کے بعد جنین کو ماں کے رحم میں پیوند کیا جاتا ہے۔

بھارت کے پہلے ٹیسٹ ٹیوب بے بی کی پیدائش کی یہ کامیابی ڈاکٹر اندرا ہندوجا اور ان کی ٹیم کی محنت کا نتیجہ تھی۔ یہ بچی ’’ہرشا‘‘ تھی جو ممبئی کے کے ای ایم اسپتال میں پیدا ہوئی تھی۔ یہ وہ وقت تھا جب ملک میں اس ٹیکنالوجی کے بارے میں بیداری اور وسائل کی شدید کمی تھی لیکن ہندوستانی سائنسدانوں نے محدود وسائل کے باوجود یہ کارنامہ انجام دیا۔

ٹیسٹ ٹیوب بے بی ٹیکنالوجی ان لاکھوں جوڑوں کے لیے امید کی نئی کرن لے کر آئی ہے جو اولاد کی خوشی سے محروم تھے۔ یہ ٹیکنالوجی نہ صرف سائنس کی ایک شاندار مثال ہے بلکہ اسے سماجی اور جذباتی نقطہ نظر سے بھی انتہائی اہم کامیابی سمجھا جاتا ہے۔

دیگر اہم واقعات:

1821 - اخبار’کورئیر آف پیج باس‘ کا پہلا ایڈیشن برسلز میں شائع ہوا۔

1825 - بولیویا نے پیرو سے آزادی حاصل کی۔

1862 - مدراس ہائی کورٹ کا قیام عمل میں آیا۔

1914 - آسٹریا نے روس کے خلاف اعلان جنگ کیا۔

1933 - ہندوستانی کرکٹر اے جی کرپال سنگھ پیدا ہوئے۔

1945-امریکہ نے جاپان کے شہر ہیروشیما پر ایٹم بم گرایا۔

1959 - ہندوستان کے مشہور ماحولیاتی کارکن راجندر سنگھ پیدا ہوئے۔

1960 - کیوبا نے ملک کے اثاثوں کو قومیا لیا۔

1962 - جمیکا میں سلطنت برطانیہ کا خاتمہ ہوا اور اسے آزادی ملی۔

1970 - ہندوستانی/امریکی فلم ڈائریکٹر ایم نائٹ شیاملن پیدا ہوئے۔

1986 - ہندوستان کے پہلے ٹیسٹ ٹیوب بے بی ’ہرشا‘ کی پیدائش۔

1996 - ناسا نے مریخ پر زندگی کا امکان ظاہر کیا۔

2001 - ہندوستان اور آسٹریلیا کے درمیان اقتصادی معاہدہ ہوا۔

2003 - ایک مشہور وائلڈ لائف ماہر، ماہر ماحولیات، پینٹر، فوٹوگرافر اور دستاویزی فلم ساز رابن بنرجی کا انتقال ہوا۔

2007 - وسطی ٹرینیڈاڈ میں ایک پرانے ہندو مندر میں توڑ پھوڑ کی گئی۔

2007 - ہنگری کے سائنسدانوں نے دعویٰ کیا کہ ایک پائن کے درخت کے فوسلز ملے ہیں جو تقریباً 8 ملین سال پرانا ہے۔

2010 - جموں و کشمیر میں سیلاب سے کم از کم 255 افراد ہلاک ہوئے۔

2012 - ناسا کا کیوروسٹی روور مریخ پر پہنچا۔

2018 - ایک ہندوستانی سیاست داں، انڈین نیشنل کانگریس کے رہنما اور راجیہ سبھا کے رکن آر کے دھون کا انتقال ہوا۔

2019 - بی جے پی کی سرکردہ خاتون رہنما، مرکزی وزیر اور دہلی کی پہلی خاتون وزیر اعلیٰ سشما سوراج کا انتقال ہوا۔

اہم دن اور مواقع:

دودھ پلانے کا عالمی دن (ہفتہ)

یوم ہیروشیما

ہندوستھان سماچار

---------------

ہندوستان سماچار / انظر حسن