شملہ، 31 اگست (ہ س)۔

ہماچل پردیش کے چمبا ضلع میں شدید بارش اور لینڈ سلائیڈنگ کے درمیان شری منی مہیش یاترا کو روک دیا گیا ہے۔ 24 اگست سے ہو رہی موسلادھار بارش کی وجہ سے چمبا-بھرمور روٹ پر کئی مقامات پر لینڈ سلائیڈنگ ہوئی۔ جس کی وجہ سے بڑی تعداد میں عقیدت مند پھنس گئے۔ اس ہنگامی صورتحال میں، 14ویں نیشنل ڈیزاسٹر ریسپانس فورس (این ڈی آر ایف) کی ٹیم نے چارج سنبھال لیا اور عازمین کی حفاظت کو یقینی بنانے کے لیے تیزی سے راحت اور بچاو¿ کام شروع کیا۔ این ڈی آر ایف نے اب تک 1459 عازمین کو بحفاظت بچایا ہے۔

این ڈی آر ایف کے ترجمان نے اتوار کو یہ جانکاری دی۔ ترجمان نے کہا کہ کمانڈنٹ بلجیندر سنگھ کی رہنمائی میں اور انسپکٹر دیپک سنگھ اسوال کی قیادت میں 14ویں بٹالین کی ٹیم 30 اگست کو ضلع ڈپٹی کمشنر کے دفتر، چمبا پہنچی۔ پہلے دن رات بھر جاری رہنے والے خصوصی آپریشن میں رکھ کے علاقے سے 192، بگا سے 167 اور 270 زائرین کو بچایا گیا۔ اس طرح 30 اگست کو کل 629 عقیدت مندوں کو بچایا گیا۔

امدادی کارروائیاں آج بھی جاری ہیں۔ بگا سلائیڈنگ پوائنٹ اور دھار والا علاقے میں مسلسل لینڈ سلائیڈنگ اور خراب موسم کے باوجود این ڈی آر ایف کے اہلکار سرگرم رہے اور 830 یاتریوں کو وہاں سے بحفاظت نکالنے میں کامیاب رہے۔ اس طرح دو دنوں کے اندر کل 1459 عقیدت مندوں کو بحفاظت نکال لیا گیا ہے۔

ہندوستھان سماچار

ہندوستان سماچار / عطاءاللہ