نوادہ، 31 اگست (ہ س)۔ سابق مرکزی وزیر رام کرپال یادو نے اتوارکے روز نوادہ پریشد میں ایک پریس کانفرنس میں کہا کہ وزیر اعظم مودی اور وزیر اعلیٰ نتیش کمار 2047 تک ملک اور بہار کو ترقی یافتہ بنانے کے لیے پرعزم ہیں۔آئندہ بہار اسمبلی انتخابات میں وزیر اعلیٰ نتیش کمار کی قیادت میں این ڈی اے اتحاد 200 سے زیادہ سیٹیں جیت لے گا۔
رام کرپال یادو نے کہاکہ ووٹ ادھیکار یاترا کے دوران دربھنگہ میں وزیر اعظم کی آنجہانی ماں کے ساتھ بدسلوکی کی گئی۔ یہ ملک کی ہر ماں کی توہین ہے۔ بہار شرمندہ ہے۔ انڈیا اتحاد نے سیاسی گھٹیا پن کی تمام حدیں پار کر دی ہیں۔ ابھی تک راہل تیجسوی نے افسوس کا اظہار بھی نہیں کیا، معافی مانگنے کو چھوڑ دیں۔
راہل اور تیجسوی سیتا ماںکی سرزمین پر سناتن کو گالی دینے والوں کو کہہ کر بہار کی توہین کر رہے ہیں۔
انہوں نے کہا کہ وزیر اعلی اسٹالن کے بیٹے نے سناتن کو ڈینگی اور کورونا بتایا تھا۔ تلنگانہ کے سی ایم ریونت ریڈی نے بہاریوں کی توہین کی تھی۔ راہل اور تیجسوی ایسے لوگوں کو بہار میں لے کر بہاری شناخت کی توہین کر رہے ہیں۔
انہوں نے کہا کہ یہ ووٹ ادھیکار یاترا نہیں بلکہ سناتن اپمان یاترا، بہاری اپمان یاترا ہے۔ بہار میں ووٹ ادھیکار یاترا کے تحت خاندانوں اور دراندازوں کو حقوق دلانے کے لیے یاترا نکالی جا رہی ہے۔
عوام راہل تیجسوی سے پوچھ رہی ہے۔کیا مرنے والوں کے نام ووٹر لسٹ سے نہیں نکالے جائیں؟ جن کے نام کئی جگہ ہیں، کیا ان کے نام صرف ایک جگہ نہیں ہونے چاہئیں؟
جو لوگ بہار چھوڑ کر دوسری ریاستوں کے ووٹر بن گئے ہیں، کیا ان کا نام بھی بہار کی ووٹر لسٹ میں ہونا چاہئے؟
انہوں نے کہا کہ کیا دراندازی کرنے والوں کے نام ووٹر لسٹ میں ہونے چاہئیں؟ لیکن یہ لوگ جواب نہیں دے رہے بلکہ تھیٹرولوجی کر رہے ہیں۔ تمام سیاسی جماعتوں کے ضلعی صدور کو ڈرافٹ ووٹر لسٹ دے دی گئی ہے۔
ہندوستھان سماچار
ہندوستان سماچار / Mohammad Afzal Hassan
