نئی دہلی ،03اگست (ہ س )۔

دوسرے ٹی ٹوئنٹی میچ میں ویسٹ انڈیز نے پاکستان کو 2 وکٹ سے شکست دے دی اور جیت کے لیے دیا گیا 134 رنز کا ہدف حاصل کرلیا۔ویسٹ انڈیز کے بلے بازوں نے آخری گیند پر ہدف حاصل کیا جس کے بعد تین میچز کی سیریز 1-1 سے برابر ہوگئی ہے اور اب فیصلہ کن میچ کل کھیلا جائے گا۔ویسٹ انڈیز کی جیت میں گوڈاکیش موتی کے 28، شائی ہوپ کے 21 اور جیسن ہولڈر کے 16 رنز نے نمایاں کردار ادا کیا۔قبل ازیں امریکی ریاست فلوریڈا کے شہر لاو¿ڈرہل میں کھیلے گئے دوسرے میچ میں پاکستان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 9 وکٹوں کے نقصان پر 133 رنز بنائے تھے۔پاکستان کی جانب سے حسن نواز 40 رنز بناکر نمایاں رہے، کپتان سلمان آغا نے 38 اور فخر زمان نے 20 رنز کی اننگ کھیلی۔ پاکستانی ٹیم کے دیگر بلے باز کوئی خاطر خواہ کارکردگی نہیں دکھا سکے، صائم ایوب 7، صاحبزادہ فرحان 3، محمد حارث 4، حسن علی 8 اور محمد نواز 2 رنز بناکر آو¿ٹ ہوئے۔شاہین شاہ آفریدی 2 اور سفیان مقیم نے 1 رن اسکور کیا جبکہ فہیم اشرف بغیر کسی رن کے آو¿ٹ ہوئے۔ویسٹ انڈیز کی جانب سے جیسن ہولڈر نے 4 اوورز میں 19 رنز دے کر 4 وکٹ حاصل کیے۔پاکستانی ٹیم میں حارث رو¿ف کی جگہ حسن علی کو شامل کیا گیا تھا جبکہ ویسٹ انڈیز کی ٹیم میں بھی دو تبدیلیاں کی گئی تھیں۔

ہندوستھان سماچار

ہندوستان سماچار / عطاءاللہ