نئی دہلی، 03 اگست (ہ س)۔

ہندوستان اور انگلینڈ کے درمیان پانچ ٹیسٹ میچوں کی سیریز کے آخری میچ میں نصف سنچری بنانے والے ہندوستانی ٹیم کے فاسٹ بولر آکاش دیپ نے اپنی شاندار بلے بازی سے سب کا دل جیت لیا۔ انہوں نے ہفتے کو تیسرے دن تقریباً دو گھنٹے تک بیٹنگ کی اور 12 چوکوں کی مدد سے 66 رنز بنائے۔ اس شاندار بلے بازی کے لیے آکاش کو کوچ سیتانشو کوٹک سے کیا مشورہ ملا اس کا راز بھی کھل گیا ہے۔ بی سی سی آئی نے اتوار کو آکاش دیپ کے حوالے سے ایک ویڈیو جاری کی ہے جس میں ہندوستانی ٹیم کے بیٹنگ کوچ سیتانشو کوٹک نے بتایا کہ جب وہ ہوٹل میں لفٹ میں مجھ سے ملے تو میں نے کہا کہ آکاش اگر تجھے گیندکورٹ میں ملے تو اسے مار دینا۔ڈفینس نہیں کرنا کیونکہ پچھلے دو بار تم ڈفینس کے چکر میں آو¿ٹ ہو رہے ہو۔

ویڈیو میں کپتان شبھمن گل کا کہنا تھا کہ ہم نے انہیں صرف ایک بات کہی تھی کہ اگر گیند ریڈار میں ہے تو رنز بنانے کے لیے دیکھنا۔ گل نے ویڈیو کے آخر میں کہا کہ ان کے 66 رنز ہماری سنچری سے کم نہیں۔ ویڈیو میں آکاش دیپ نے اپنی بلے بازی کے بارے میں کہا کہ میرے لیے نصف سنچری اہم ہے لیکن اس سے زیادہ اہم یہ ہے کہ میں نے صبح کے سیشن میں دو گھنٹے تک بیٹنگ کی۔ آکاش نے کہا کہ میری ذہنیت ایسی ہے کہ میں باہر نہیں نکلتا۔ یہاں تک کہ اگر گیند میرے جسم سے ٹکرا جائے تو مجھے صرف کھیلنا ہے۔

بھارت اور انگلینڈ کے درمیان کھیلا جا رہا آخری ٹیسٹ میچ دلچسپ موڑ پر ہے۔ بھارت نے انگلینڈ کے سامنے 374 رنز کا بڑا ہدف رکھا ہے جس کے جواب میں انگلینڈ نے تیسرے دن کا کھیل ختم ہونے تک 1 وکٹ پر 50 رنز بنا لیے ہیں۔ انگلینڈ کو جیت کے لیے ابھی مزید 324 رنز درکار ہیں جبکہ بھارت کو 9 وکٹیں درکار ہیں۔ تیسرے دن انگلینڈ کی دوسری اننگز میں صرف 13.5 اوورز ہی کھیلے جا سکے۔ محمد سراج نے جیک کراو¿لی (14 رنز) کو آو¿ٹ کر کے انگلینڈ کو پہلا جھٹکا دیا۔ بین ڈکٹ 48 گیندوں پر 34 رنز بنانے کے بعد ناقابل شکست ہیں۔ پانچ میچوں کی اس ٹیسٹ سیریز میں انگلینڈ کو 2-1 کی برتری حاصل ہے۔

ہندوستھان سماچار

ہندوستان سماچار / عطاءاللہ