بریلی، 29 اگست (ہ س)۔ جہاں ایک طرف راشٹریہ سویم سیوک سنگھ (آر ایس ایس) کے سربراہ ڈاکٹر موہن بھاگوت کی حالیہ تقاریر اور مضامین مسلم تنظیموں میں تنازعہ کا باعث بنے ہیں وہیں آل انڈیا مسلم جماعت کے قومی صدر مولانا شہاب الدین رضوی بریلوی ان کی حمایت میں سامنے آئے ہیں۔

مولانا رضوی نے کہا کہ سنگھ ہندوستان کی سب سے بڑی تنظیم ہے اور ڈاکٹر بھاگوت ایک عظیم اسکالر ہیں جو سماج کو متحد کرنے کی بات کرتے ہیں۔ انہوں نے وگیان بھون دہلی میں کہا تھا کہ ’ہر جگہ شیولنگ نہ ڈھونڈو‘اور سب کو ساتھ لے کر چلنے کا پیغام دیا۔ مولانا نے اسے ملک میں مثبت سوچ کو فروغ دینے والا بیان قرار دیا۔انہوں نے کہا کہ ملک کی ترقی کے لیے ہندو اور مسلم دونوں برادریوں کو مل کر کام کرنا ہوگا۔ جھگڑا اور نفرت کسی کو فائدہ نہیں پہنچاتی۔ پچھلے دو سالوں میں مساجد، مدارس اور مقبروں پر سماج دشمن عناصر کی جانب سے حملے کیے گئے ہیں جس سے حالات مزید خراب ہوئے ہیں۔ لیکن سنگھ کے سربراہ کی سوچ سے یہ امید پیدا ہوئی ہے کہ اب ایسا ماحول کم ہوگا اور سماج میں ہم آہنگی بڑھے گی۔مولانا نے اپیل کی کہ تمام برادریوں کو بھاگوت کے پیغام کو مثبت روشنی میں دیکھنا چاہئے تاکہ ملک ترقی کی راہ پر آگے بڑھ سکے۔

ہندوستھان سماچار

ہندوستان سماچار / Mohammad Khan