نارائن پور، 27 اگست (ہ س)۔ چھتیس گڑھ کے نارائن پور ضلع کی سرحد سے متصل مہاراشٹر کے گڈچرولی ضلع میں بدھ کو سیکورٹی فورسز کے ساتھ تصادم میں چارنکسلی مارے گئے۔ ان میں تین خواتین اور ایک مرد شامل ہیں۔گڈچرولی کے ایڈیشنل سپرنٹنڈنٹ آف پولیس ایم رمیش نے انکاو¿نٹر کی تصدیق کی۔ انہوں نے کہا کہ پولیس کو گٹہ دلم، کمپنی نمبر 10 اور گڈچرولی ڈویژن کے نکسلائٹس کوپرشی جنگلاتی علاقہ (گڈچرولی- نارائن پور سرحد) میں چھپے ہونے کی اطلاع ملی تھی۔ اس کے بعد گڈچرولی پولس کی سی-60 یونٹ اورسی آر پی ایف کی کیو آر ٹی ٹیم کو تلاشی مہم کے لیے روانہ کیا گیا۔انہوں نے بتایا کہ خراب موسم کے درمیان سیکورٹی فورسز اس علاقے میں پہنچی اور تلاشی آپریشن کر رہی تھی۔ اس دوران نکسلیوں نے فائرنگ شروع کر دی۔ سیکیورٹی فورسز نے بھی جوابی کارروائی کی۔ اس دوران دونوں طرف سے تقریباً 8 گھنٹے تک وقفے وقفے سے فائرنگ کا سلسلہ جاری رہا۔ اس انکاو¿نٹر میں تین خواتین اور ایک مرد نکسلی مارا گیا۔ مارے گئے نکسلیوں کی شناخت کی جا رہی ہے۔ تلاشی کے بعد موقع سے 4 ہتھیار بشمول ایس ایل آر،آئی این ایس اے ایس اور 303 رائفل برآمد ہوئی ہے۔ فی الحال علاقے میں باقی نکسلیوں کی تلاش کے لیے تلاشی آپریشن جاری ہے۔

ہندوستھان سماچار

ہندوستان سماچار / Mohammad Khan