جلگاو¿ں، 2 اگست (ہ س)۔

38ویں قومی انڈر 11 شطرنج چمپئن شپ کا ہفتہ کو مہاراشٹر کے جلگاو¿ں میں خوبصورت انوبھوتی منڈپ میں افتتاح ہوا۔ اس باوقار ٹورنامنٹ کا افتتاح نوجوانوں کے امور اور کھیلوں کی مرکزی وزیر مملکت رکشا کھڈسے نے کیا۔ اس ایونٹ کو ملک کے ابھرتے ہوئے شطرنج کے ستاروں کی شناخت اور تربیت کا ایک اہم پلیٹ فارم سمجھا جاتا ہے۔

یہ ٹورنامنٹ ہندوستان کی نوجوان شطرنج کی صلاحیتوں کو اجاگر کرتا ہے، جس کی مثال حال ہی میں فیڈے خواتین کے ورلڈ کپ میں دیویہ دیشمکھ کی تاریخی جیت سے ملتی ہے۔

اس قومی سطح کے مقابلے میں ملک بھر سے 550 سے زائد بچے کھلاڑی حصہ لے رہے ہیں، جن میں سے تقریباً 400 کھلاڑیوں کو انٹرنیشنل چیس فیڈریشن (فیڈے) کی آفیشل ریٹنگ حاصل ہے - جو اس ایونٹ کی شاندار روایت کو ظاہر کرتی ہے۔ انڈمان نکوبار، آندھرا پردیش، آسام، بہار، چنڈی گڑھ، چھتیس گڑھ، دہلی، گوا، گجرات، کیرالہ، مدھیہ پردیش، مہاراشٹر، تمل ناڈو، تلنگانہ، کرناٹک، پنجاب اور راجستھان جیسی ریاستوں اور مرکز کے زیر انتظام علاقوں سے شرکاء جلگاو¿ں پہنچے ہیں۔

چیمپئن شپ، 11 راو¿نڈ سوئس لیگ سسٹم کے تحت منعقد کی جا رہی ہے، جو کھلاڑیوں کو اپنے فیڈے ریٹنگ پوائنٹس حاصل کرنے اور بہتر کرنے کا بہترین موقع فراہم کر رہی ہے۔ اس مقابلے میں پونے کے اڈویک اگروال (ریٹنگ 2251) اور کیرالہ کے دیوی بیجیش (ریٹنگ 1869) جیسے باصلاحیت کھلاڑی حصہ لے رہے ہیں، جس سے اس کی سطح مزید بڑھ گئی ہے۔

اس تقریب کا انعقاد جین اسپورٹس اکیڈمی، جلگاو¿ں ڈسٹرکٹ چیس ایسوسی ایشن، مہاراشٹرا شطرنج ایسوسی ایشن اور آل انڈیا شطرنج فیڈریشن کی مشترکہ کوششوں سے کیا گیا ہے، جس میں جین ایریگیشن مرکزی اسپانسر ہے۔

مرکزی وزیر رکشا کھڈسے نے کہا کہ کم عمری میں کھیلوں کے مواقع بچوں کی ہمہ جہت ترقی کی بنیاد رکھتے ہیں۔ 'کھیلو انڈیا پالیسی 2025' اور 'کھیلو انڈیا' جیسے سرکاری پروگراموں کا حوالہ دیتے ہوئے، انہوں نے کہا کہ حکومت کا مقصد نچلی سطح پر کھیلوں کی ثقافت کو فروغ دینا ہے۔

ہندوستھان سماچار

ہندوستان سماچار / عطاءاللہ