کیف، 18 اگست (ہ س)۔ روس نے آج صبح صنعتی ضلع خارکیف میں ایک پانچ منزلہ اپارٹمنٹ پر چار ڈرون سے حملہ کیا اور بمباری کی۔ جس کی وجہ سے اپارٹمنٹ کی کئی منزلوں پر آگ لگ گئی۔ اس حملے میں ایک ڈیڑھ سالہ لڑکی اور ایک 16 سالہ لڑکے سمیت سات افراد ہلاک ہو گئے ۔ ڈرون حملے میں کم از کم 18 افراد زخمی ہوئے۔ اس بم دھماکے میں چھ رہائشی عمارتوں اور 15 کاروں کو نقصان پہنچا۔
کیف پوسٹ کے مطابق، یوکرائن کی ایمرجنسی سروس (ڈی ایس این ایس) کے علاقائی گورنر اولیہ سنیہوبو نے بتایا کہ ہنگامی امدادی کارروائی کے دوران ملبے سے ایک نوجوان خاتون اور ایک مرد کو بحفاظت نکال لیا گیا۔ پانچ افراد تاحال لاپتہ ہیں۔ امدادی کارکنوں کا کہنا ہے کہ بم دھماکے سے لگنے والی آگ 900 مربع میٹر کے رقبے میں پھیل چکی ہے۔ دو دیگر ڈرون قریبی کھلے میدان میں گرے ہوئے پائے گئے ہیں۔ اس سے قبل رات گئے روس نے خارکیف پر بھی بیلسٹک میزائل سے حملہ کیا تھا۔ جس میں 11 افراد زخمی اور 10 سے زائد اپارٹمنٹ عمارتوں کو نقصان پہنچا۔
دوسری جانب روس نے اوڈیسا کے علاقے پر بھی ڈرون حملے کیے ہیں۔ جس کی وجہ سے ایک انرجی پلانٹ اور دو منزلہ عمارت میں آگ لگ گئی۔ آگ پر فوری طور پر قابو پالیا گیا اور کسی جانی نقصان کی کوئی اطلاع نہیں ہے۔
---------------
ہندوستان سماچار / عبدالسلام صدیقی
