نئی دہلی،یکم اگست (ہ س)۔ آج عالمی مارکیٹ سے کمزوراشارے آ رہے ہیں۔ امریکی بازار آخری سیشن کے دوران کمی کے ساتھ بند ہوئے۔ تاہم، ڈاؤ جونز فیوچرز میں آج معمولی اضافے کے ساتھ کاروبار دیکھا جا رہا ہے۔ امریکی مارکیٹ کی طرح گزشتہ سیشن کے دوران یورپی منڈیوں میں بھی مسلسل دباؤ رہا۔ اسی طرح ایشیائی منڈیوں میں بھی آج عام طور پر کمی کا رجحان ہے۔

امریکی صدر ڈونالڈ ٹرمپ کی پالیسی کے مطابق نیا ٹیرف سسٹم جو کہ آج سے میکسیکو اور بھارت سمیت بیشتر ممالک کے لیے بڑھی ہوئی شرح سے نافذ ہونے والا تھا اب ایک ہفتے کے لئے موخر کر دیا گیا ہے لیکن ٹیرف کے نئے نظام کے نفاذ کے باعث دنیا بھر کی مارکیٹوں میں مایوسی کی فضا ہے۔ جس کی وجہ سے گزشتہ سیشن کے دوران امریکی مارکیٹ میں بھی مندی کا رجحان رہا۔ ایس اینڈ پی 500 انڈیکس 0.37 فیصد کی کمزوری کے ساتھ 6,339.39 پوائنٹس پر بند ہوا۔ اسی طرح نیس ڈیک نے گزشتہ سیشن کا اختتام 0.03 فیصد گر کر 21,122.45 پوائنٹس پر کیا۔ تاہم، ڈاؤ جونز فیوچرز فی الحال 0.02 فیصد کے معمولی اضافے کے ساتھ 44,138.94 پوائنٹس پر ٹریڈ کر رہا ہے۔

امریکی مارکیٹ کی طرح یورپی منڈیوں میں بھی گزشتہ سیشن کے دوران مسلسل فروخت دیکھی گئی۔ ایف ٹی ایس ای انڈیکس 0.05 فیصد گر کر 9,132.81 پوائنٹس پر بند ہوا۔ اسی طرح، سی اے سی انڈیکس 1.16 فیصد کی زبردست گراوٹ کے ساتھ گزشتہ سیشن کا اختتام 7,771.97 پوائنٹس پر ہوا۔ اس کے علاوہ ڈی اے ایکس انڈیکس 196.75 پوائنٹس یا 0.82 فیصد کی کمی کے ساتھ 24,065.47 پوائنٹس پر بند ہوا۔

ریچھ بھی آج ایشیائی منڈیوں پر حاوی ہیں۔ 9 ایشیائی مارکیٹوں میں سے 8 انڈیکس کمی کے ساتھ سرخ رنگ میں کاروبار کر رہے ہیں، جبکہ صرف ایک انڈیکس مضبوطی کے ساتھ سبز رنگ میں تجارت کر رہا ہے۔ ایشیائی مارکیٹ میں واحد جکارتہ کمپوزٹ انڈیکس اس وقت 77.53 پوائنٹس یعنی 1.04 فیصد اضافے کے ساتھ 7,561.87 پوائنٹس پر کاروبار کر رہا ہے۔

دوسری طرف، گفٹ نفٹی 93 پوائنٹس یعنی 0.37 فیصد کی کمزوری کے ساتھ 24,743.50 پوائنٹس پرتجارت کر رہا ہے۔ اسی طرح ہینگ سینگ انڈیکس 103.33 پوائنٹس یعنی 0.42 فیصد گر کر 24,670 پوائنٹس تک پہنچ گیا ہے۔ کوسپی انڈیکس آج زبردست گرا ہے۔ فی الحال یہ انڈیکس 106.49 پوائنٹس یعنی 3.28 فیصد گر کر 3,138.95 پوائنٹس پر پہنچ گیا ہے۔

اسی طرح، تائیوان ویٹڈ انڈیکس 156.46 پوائنٹس یا 0.66 فیصد گر کر 23,386.06 پوائنٹس کی سطح پر پہنچ گیا ہے۔ اس کے علاوہ نکی انڈیکس 0.41 فیصد گر کر 40,901 پوائنٹس پر آگیا، سیٹ کمپوزٹ انڈیکس 0.20 فیصد گر کر 1,239.86 پوائنٹس، شنگھائی کمپوزٹ انڈیکس 0.19 فیصد کی کمزوری کے ساتھ 3,566.55 پوائنٹس پر کاروبار کر رہا ہے ۔

ہندوستھان سماچار

---------------

ہندوستان سماچار / عبدالواحد