نئی دہلی، 31 جولائی (ہ س)۔ دہلی ہائی کورٹ نے ٹیرر فنڈنگ کیس میں ایم پی انجینئر رشید کے خلاف الزامات طے کرنے کے ٹرائل کورٹ کے حکم کو چیلنج کرنے والی ایک عرضی پر سماعت کرتے ہوئے قومی تحقیقاتی ایجنسی (این آئی اے) کو نوٹس جاری کیا ہے۔ جسٹس وویک چودھری کی قیادت والی بنچ نے کیس کی اگلی سماعت 6 اکتوبر کو کرنے کا حکم دیا۔

ہائی کورٹ نے این آئی اے کے حکم کو چیلنج کرتے ہوئے انجینئر رشید کی زیر حراست پیرول کے دوران پارلیمنٹ کے آئندہ اجلاس میں شرکت کے لئے بھاری رقم کی وصولی کے لئے حکم کواسی بنچ کو بھیج دیا گیا جس نے انہیں پارلیمنٹ کے بجٹ اجلاس کے دوران شرکت کی اجازت دی تھی۔ عدالت نے اس عرضی کو جسٹس انوپ جے رام بھمبھانی کی بنچ کو منتقل کرنے کا حکم دیا۔ عدالت نے 25 جولائی کو این آئی اے کو نوٹس جاری کیا تھا۔

سماعت کے دوران انجینئر رشید کی طرف سے پیش ہونے والے سینئر وکیل این ہری ہرن نے کہا تھا کہ پٹیالہ ہاؤس کورٹ نے ان سے 29 جولائی سے 4 اگست تک پارلیمنٹ کے اجلاس میں شرکت کے لیے سیکورٹی کے نام پر 17 لاکھ روپے ادا کرنے کو کہا ہے، اتنی بڑی رقم عوام کی نمائندگی کرنے کی سزا بن گئی ہے۔ انہوں نے کہا تھا کہ انجینئر رشید کو اس سے قبل بھی پارلیمنٹ کے اجلاس میں شرکت کی اجازت دی گئی تھی لیکن وہ بھاری رقم کے مطالبے کی وجہ سے اجلاس میں شرکت نہیں کر پا رہے ہیں۔

22 جولائی کو پٹیالہ ہاؤس کورٹ نے رشید کو پارلیمنٹ کے آئندہ اجلاس میں شرکت کے لیے حراستی پیرول پر رہا کرنے کی اجازت دی تھی۔ انجینئر رشید نے 21 جولائی سے شروع ہونے والے پارلیمنٹ کے مانسون اجلاس میں شرکت کے لیے حراستی پیرول کی درخواست کی تھی۔

---------------

ہندوستان سماچار / عبدالسلام صدیقی