ہندوستانی جدوجہد آزادی کی تاریخ میں یکم اگست 1920 ایک اہم موڑ لے کر آیا، جب مہاتما گاندھی نے برطانوی حکومت کے بڑھتے ہوئے ظلم و ستم کے خلاف عدم تعاون کی تحریک شروع کی۔ یہ تحریک ہندوستانیوں کو ستیہ گرہ، عدم تشدد اور خود انحصاری کے راستے پر متحد کرنے کی ایک اہم کوشش تھی۔ عدم تعاون کی تحریک کے تحت لوگوں نے برطانوی حکومت کے اداروں سے تعاون کرنا چھوڑ دیا۔ طلباء نے سرکاری اسکول اور کالج چھوڑ دیے، وکلا نے برطانوی عدالتوں کا بائیکاٹ کیا اور کارکنوں نے زبردست ہڑتال کی۔ حکومتی اعداد و شمار کے مطابق 1921 میں کل 396 ہڑتالیں ہوئیں جن میں 6 لاکھ سے زائد مزدوروں نے حصہ لیا۔ یہ برطانوی راج کے لیے ایک بڑا چیلنج بن گیا۔
یہ تحریک صرف شہروں تک محدود نہیں رہی بلکہ اس کی گونج گاوں اور قصبوں تک پہنچ گئی۔ 1857 کی پہلی جنگ آزادی کے بعد یہ پہلا موقع تھا کہ برطانوی راج کی بنیاد بری طرح ہل گئیں۔ گو کہ یہ تحریک مکمل طور پر عدم تشدد پر مبنی تھی، لیکن 05 فروری 1922 کو گورکھپور ضلع کے چوری چورا قصبے میں مشتعل افراد کے ایک گروپ نے پولیس اسٹیشن کو آگ لگا دی، جس میں کئی پولیس والے مارے گئے۔ گاندھی جی کو اس پرتشدد واقعے سے شدید دکھ پہنچا۔ انہوں نے یہ کہتے ہوئے عدم تعاون کی تحریک کو فوری طور پر واپس لے لیا کہ 'ہندوستان اس وقت عدم تشدد کے راستے پر چلنے کے لیے تیار نہیں ہے۔
دیگر اہم واقعات:
1591 - مغل دربار کے مشہور شاعروں میں سے ایک عرفی شیرازی کا انتقال ہوا۔
1732 - بینک آف انگلینڈ کا افتتاح ہوا۔
1831 - لندن کا نیا پل ٹریفک کے لیے کھول دیا گیا۔
1834 - برطانوی سلطنت میں غلامی کے خاتمے کا ایکٹ 1833 نافذ ہوا۔
1869 - ہندوستانی سول سروس آفیسر ہارکورٹ بٹلر اتر پردیش کے پہلے گورنر تھے۔
1899 - پہلے وزیر اعظم جواہر لعل نہرو کی بیوی کملا نہرو پیدا ہوئیں۔
1910 - ہندوستانی کرکٹر محمد نثار پیدا ہوئے۔
1916 - انڈین نیشنل کانگریس کی سابق صدر اینی بیسنٹ نے ہوم رول لیگ کا آغاز کیا۔
1920 - مہاتما گاندھی نے عدم تعاون کی تحریک شروع کی۔
1924 - سعودی عرب کے بادشاہ شاہ عبداللہ پیدا ہوئے۔
1953 - ملک کی تمام ایئر لائنز کو ایئر کارپوریشن ایکٹ کے تحت قومیا لیا گیا۔
1957 - نیشنل بک ٹرسٹ کا قیام عمل میں آیا۔
1960 - پاکستان کا دارالحکومت کراچی سے اسلام آباد منتقل کر دیا گیا۔
1975 - دربا بنرجی کمرشل مسافر طیارہ اڑانے والی دنیا کی پہلی پیشہ ور خاتون پائلٹ بنیں۔
1981 - ایم ٹی وی کا آغاز ہوا۔
1995 - زحل کا ایک اور چاند ہبل دوربین سے دریافت ہوا۔
2000 - مشہور شاعراور گیان پیٹھ ایوارڈ سے سرفراز علی سردار جعفری کا انتقال ہوا۔
2001 - ہندوستانی دستور ساز اسمبلی کی واحد مسلم خاتون رکن بیگم اعزاز رسول کا انتقال ہوا۔
2004 - سری لنکا نے ہندوستان کو شکست دے کر کرکٹ کا ایشیا کپ جیتا۔
2007 - بین الاقوامی ریاضی اولمپیاڈ (آئی ایم او) ہنوئی، ویتنام میں منعقد ہوا، جس میں ہندوستانی ٹیم کے 6 اراکین نے چاندی کے تین تمغے جیتے۔
2008 - ہندوستان کے خصوصی نگرانی کے معاہدے کو بین الاقوامی جوہری توانائی ایجنسی (آئی اے ای اے) کے بورڈ نے گرین سگنل دیا تھا۔
2021 - ہندوستانی بیڈمنٹن کھلاڑی پی وی سندھو نے ٹوکیو اولمپکس میں کانسے کا تمغہ جیتا۔
2021 - ہندوستان نے اگست کے مہینے کے لیے اقوام متحدہ کی سلامتی کونسل کے صدر کی ذمہ داری سنبھالی۔
ہندوستھان سماچار
---------------
ہندوستان سماچار / انظر حسن
