نئی دہلی، 30 جولائی(ہ س)۔ریلائنس انڈسٹریز لمیٹڈ 2025 فارچیون گلوبل 500 کی فہرست میں 88ویں نمبر پر پہنچ گئی ہے۔ مجموعی طور پر 9 ہندوستانی کمپنیوں نے اس فہرست میں جگہ بنائی ہے۔ ریلائنس انڈسٹریز اس فہرست میں ٹاپ رینکنگ حاصل کرنے والی بھارتی کمپنی ہے۔ ریلائنس نے باوقار فارچیون گلوبل 500 فہرست میں مسلسل 22 سالوں سے اپنا مقام برقرار رکھا ہے۔ پرائیویٹ سیکٹر کی کوئی بھی ہندوستانی کمپنی اتنے لمبے عرصے تک اس فہرست میں نہیں رہ سکی۔ حالانکہ گزشتہ سال کمپنی کی رینکنگ 86 تھی۔ لیکن یہ 2021 سے 67 مقامات پر چڑھ گئی ہے، جب یہ 155 ویں نمبر پر تھی۔'فارچیون گلوبل 500' کی فہرست میں، کمپنیوں کی درجہ بندی کل آمدنی کی بنیاد پر کی گئی ہے۔ اس فہرست میں پبلک سیکٹر کی پانچ اور پرائیویٹ سیکٹر کی چار ہندوستانی کمپنیاں شامل ہیں۔ ریلائنس کے علاوہ ایل ا?ئی سی 95ویں، انڈین آئل کارپوریشن 127ویں، اسٹیٹ بینک آف انڈیا 163ویں، او این جی سی 181ویں، ایچ ڈی ایف سی بینک 258ویں، ٹاٹا موٹرز 283ویں، بی پی سی ایل 285ویں، اور آئی سی آئی سی آئی بینک 464ویں نمبر پر ہے۔ریلائنس نے مالی سال25 میں 1,071,174 کروڑ روپے کی ریکارڈ مجموعی آمدنی ریکارڈ کی۔ جس میں سال بہ سال 7.1 فیصد اضافہ ہوا۔ کمپنی کا EBITDA بھی 2.9 فیصدبڑھ کر 183,422 کروڑ روپے ہو گیا۔ ریلائنس نے اپنے تمام کاروبار جیسے تیل سے کیمیکل، تیل اور گیس، خوردہ اور ڈیجیٹل خدمات میں زبردست ترقی ریکارڈ کی ہے۔والمارٹ، ایمیزون اور اسٹیٹ گرڈ فارچیون گلوبل 500 کی فہرست میں پہلی تین کمپنیاں ہیں۔ اس کے علاوہ چائنا نیشنل پیٹرولیم، سعودی ا?رامکو اور ایپل جیسی کمپنیاں ٹاپ 10 میں جگہ بنا چکی ہیں۔

ہندوستھان سماچار

ہندوستان سماچار / Mohammad Khan