مشہور شو 'تارک مہتا کا الٹا چشمہ' کے پروڈیوسر اسیت کمار مودی ایک بار پھر تنازعات میں گھر گئے ہیں۔ گزشتہ چند سالوں میں کئی اداکاروں نے ان پر سنگین الزامات عائد کیے ہیں۔ شو میں مسز روشن سوڈھی کا کردار ادا کرنے والی اداکارہ جینیفر مستری نے بھی آسیت مودی پر جنسی ہراسانی کا الزام لگایا ہے۔ رپورٹس کے مطابق جینیفر نے ان کے خلاف مقدمہ درج کرایا تھا اور وہ کیس جیت بھی چکی ہیں۔ اب ایک بار پھر جینیفر نے اسیت مودی کے بارے میں چونکا دینے والے انکشافات کیے ہیں جس نے انڈسٹری میں ہلچل مچا دی ہے۔

ایک انٹرویو کے دوران 'تارک مہتا کا الٹا چشمہ' میں مسز سوڈھی کا کردار ادا کرنے والی جینیفر مستری نے شو کے پروڈیوسر اسیت مودی پر چونکا دینے والے الزامات لگائے۔ جینیفر نے بتایا کہ ایک بار جب وہ ویزا سے متعلق مسائل کی وجہ سے رونے لگیں تو اسیت مودی نے فون پر کہا کہ آپ کیوں رو رہی ہیں، اگر آپ یہاں ہوتی تو میں آپ کو گلے لگا لیتا، اور آپ کو بوسہ بھی دیتا۔ جینیفر نے یہ بھی انکشاف کیا کہ 2019 میں سنگاپور کی شوٹنگ کے دوران اسیت مودی نے انہیں ہوٹل کے کمرے میں آکر وہسکی پینے کی پیشکش کی تاکہ وہ بور نہ ہوں۔ ان انکشافات نے اس مقبول شو کی ٹیم کو ایک بار پھر تنازعات میں لا کھڑا کیا ہے۔

جینیفر مستری نے چونکا دینے والا انکشاف کر دیا کہ سنگاپور کے دورے کے دوران آسیت مودی ان کے قریب آئے اور کہا کہ آپ کے ہونٹ بہت سیکسی ہیں، مجھے ایسا لگتا ہے جیسے آپ کو پکڑ کر چوموں۔ جینیفر کے اس بیان نے سب کو چونکا دیا ہے۔ اس نے یہ بات شو میں 'بھیڈے' کا کردار ادا کرنے والے مندار چندواڈکر کو بھی بتائی، لیکن جینیفر کے مطابق، مندار نے اس وقت ان کا ساتھ نہیں دیا۔ اس انکشاف کے بعد سوشل میڈیا پر سامعین کے شدید ردعمل بھی آرہے ہیں۔

---------------

ہندوستان سماچار / عبدالسلام صدیقی