بالتل کے راستے میں زمین کھسکنے کے واقعہ میں ایک خاتون تیرتھ یاتری کی موت
جموں، 17 جولائی (ہ س)۔ جموں و کشمیر کے ضلع گاندربل میں بدھ کی شام امرناتھ یاترا کے بالتل راستے پر زمین کھسکنے کے ایک افسوسناک واقعے میں ایک خاتون تیرتھ یاتری جاں بحق جبکہ تین دیگر شدید زخمی ہو گئے۔ سرکاری ذرائع کے مطابق، ریلپتھری کے مقام پر اچانک زمین کھسکنے کے باعث چار تیرتھ یاتری نیچے کھائی میں جا گرے۔ امدادی ٹیموں نے فوری کارروائی کرتے ہوئے زخمیوں کو بالتل بیس کیمپ اسپتال منتقل کیا، جہاں 55 سالہ سونا بائی، ساکن راجستھان کو مردہ قرار دیا گیا۔
زخمی تیرتھ یاتریوں کا اسپتال میں علاج جاری ہے، جبکہ حکام نے یاترا کے راستوں پر احتیاطی اقدامات مزید سخت کرنے کی یقین دہانی کرائی ہے۔ اس سانحہ کے ساتھ ہی رواں سال کی امرناتھ یاترا کے دوران جاں بحق ہونے والے یاتریوں کی مجموعی تعداد 15 ہو گئی ہے۔
ہندوستھان سماچار
---------------
ہندوستان سماچار / محمد اصغر
