کولکاتا، 12 جولائی (ہ س)۔ مسافروں کی بڑھتی ہوئی مانگ کے پیش نظر کولکاتا میٹرو ریل اتھارٹی نے جوکا سے ماجھیرہاٹ تک چلنے والی پرپل میٹرو لائن کی خدمات میں اضافہ کرنے کا فیصلہ کیا ہے۔ اب 14 جولائی سے اس سیکشن پر روزانہ کل 72 میٹرو خدمات چلائی جائیں گی۔

ہفتہ کی صبح میٹرو ریلوے کی طرف سے جاری کردہ ایک بیان میں بتایا گیا ہے کہ فی الحال اس روٹ پر ہفتے کے پانچ کام کے دنوں میں کل 62 میٹرو سروسز (31 اپ اور 31 ڈاؤن) چلائی جا رہی ہیں۔ میٹرو حکام نے بتایا کہ نئے نظام کے تحت میٹرو اب 21 منٹ کے وقفے سے دستیاب ہوگی۔ پہلے دو ٹرینوں کے درمیان وقفہ 24 منٹ تھا۔

تاہم اس سیکشن پر پہلے کی طرح ہفتہ اور اتوار کو میٹرو سروس دستیاب نہیں ہوگی۔

جوکا سے ماجھیرہاٹ تک پرپل لائن کی سروس کو لے کر مسافروں کا دیرینہ مطالبہ تھا کہ بھیڑ اور انتظار کے وقت کو دیکھتے ہوئے میٹرو کی تعداد بڑھا دی جائے۔ توقع ہے کہ نئے انتظام سے مسافروں کو خاص طور پر صبح اور شام کے دفتری اوقات میں راحت ملے گی۔

ہندوستھان سماچار

---------------

ہندوستان سماچار / عبدالواحد