نئی دہلی، 12 جولائی (ہ س)۔ ملک بھر میں آج 47 مقامات پر 16 واں روزگار میلہ لگےگا۔ اس موقع پر وزیر اعظم نریندر مودی 51,000 سے زیادہ نو تعینات نوجوانوں کو تقرری نامے تقسیم کریں گے۔ یہ معلومات حکومت ہند نے روزگار میلہ کے موقع پر جاری کردہ ایک پریس ریلیز میں دی ہے۔ وہیں بھارتیہ جنتا پارٹی (بی جے پی) نے بھی اپنے ایکس ہینڈل پر وزیر اعظم مودی کے آج کے پروگرام کی باتصویر مختصر تفصیل شیئر کی ہے۔

ریلیز کے مطابق وزیر اعظم مودی مختلف سرکاری محکموں اور تنظیموں میں 51,000 سے زیادہ نئے تعینات ہونے والے نوجوانوں کو تقرری نامے تقسیم کریں گے اور آج صبح 11 بجے کے قریب ویڈیو کانفرنسنگ کے ذریعے ان سے خطاب بھی کریں گے۔ ریلیز میں کہا گیا کہ روزگار میلہ روزگار کے مواقع پیدا کرنے کو اولین ترجیح دینے کے وزیر اعظم کے عہد کو پورا کرنے کی جانب ایک اہم قدم ہے۔

ریلیز میں کہا گیا کہ روزگار معلہ نوجوانوں کو بااختیار بنانے اور قوم کی تعمیر میں ان کی شراکت کے لیے بامعنی مواقع فراہم کرنے میں اہم کردار ادا کرے گا۔ اب تک ملک بھر میں جاب میلوں کے ذریعے 10 لاکھ سے زیادہ تقرری نامے جاری کیے جا چکے ہیں۔ 16 واں روزگار معلہ آج ملک بھر کے 47 مقامات پر لگے گا۔ یہ تقرریاں مرکزی حکومت کی مختلف وزارتوں اور محکموں میں کی گئی ہیں۔ نئے ملازمین دیگر محکموں اور وزارتوں کا حصہ ہوں گے جن میں وزارت ریلوے، وزارت داخلہ، محکمہ ڈاک، وزارت صحت اور خاندانی بہبود، محکمہ مالیاتی خدمات، وزارت محنت اور روزگار شامل ہیں۔

ہندوستھان سماچار

---------------

ہندوستان سماچار / انظر حسن