چھتن میں لاپتہ 6 کی تلاش جاری، خراب موسم کی وجہ سے کوششوں میں رکاوٹ

گنگٹوک، 04 جون (ہ س)۔

شمالی سکم میں تباہ کن مٹی کے تودے گرنے کے بعد، بھارتی فوج مقامی باشندوں اور منفی موسم اور خطرناک علاقوں میں پھنسے ہوئے سیاحوں کی مدد کے لیے انتھک محنت کر رہی ہے۔ لینڈ سلائیڈنگ کی وجہ سے علاقے کے اہم سیاحتی مرکز لاچن گاو¿ں کی طرف جانے والے تمام راستے بند ہو گئے ہیں۔ تاہم، فوج نے گاو¿ں میں پیدل رابطہ قائم کیا ہے اور پھنسے ہوئے 113 سیاحوں سے رابطہ کیا ہے۔ انہیں جلد ہی نکال لیا جائے گا۔

ہندوستانی فوج نے آج ایک بیان میں کہا ہے کہ 03 جون کو فوجی ہیلی کاپٹر کے ذریعے 30 سیاحوں کو، جن میں کچھ غیر ملکی شہری بھی شامل ہیں، کو کامیابی کے ساتھ بچا لیا تھا۔ دریں اثنا، شمالی سکم کے چھتن میں آرمی کیمپ میں لینڈ سلائیڈنگ کے بعد لاپتہ ہونے والے چھ افراد کی تلاش جاری ہے۔

لاپتہ ہونے والوں میں لیفٹیننٹ کرنل پریت پال سنگھ سندھو، صوبیدار دھرم ویر، نائیک سنیلال مچہاری، سپاہی سینودھن پی کے، اسکواڈرن لیڈر آرتی سندھو (ریٹائرڈ)، لیفٹیننٹ کرنل سندھو کی اہلیہ اور ان کی بیٹی امیرا سندھو شامل ہیں۔

فوج نے تلاش اور بچاو¿ کے کاموں کے لیے خصوصی ٹیمیں اور انجینئرنگ آلات تعینات کیے ہیں۔ تاہم، فوج نے کہا کہ انتہائی خراب موسم، غیر مستحکم زمین اور چیلنجنگ اونچائی والے خطوں کی وجہ سے جاری کوششوں میں رکاوٹ پیدا ہو رہی ہے۔

ہندوستھان سماچار

ہندوستان سماچار / عطاءاللہ