نئی دہلی، 30 جون (ہ س)۔ مرکزی خزانہ اور کارپوریٹ امور کی وزیر نرملا سیتا رمن 30 جون سے 5 جولائی تک اسپین، پرتگال اور برازیل کے سرکاری دورے پر جائیں گی۔ اس دوران وہ وزارت خزانہ کے اقتصادی امور کے شعبہ کے ہندوستانی وفد کی قیادت کریں گی۔

وزارت خزانہ کے مطابق، مرکزی وزیر خزانہ سیویل، اسپین کے اپنے دورے کے دوران اقوام متحدہ کے زیر اہتمام ترقی کے لیے مالی اعانت سے متعلق چوتھی بین الاقوامی کانفرنس میں شرکت کریں گی۔ اس سربراہی اجلاس کا موضوع 'ایف ایف ڈی4 نتائج سے نفاذ تک: پائیدار ترقی کے لیے نجی سرمائے کے امکانات کو بروئے کار لانا' ہوگا۔ اس دوران سیتا رمن جرمنی، پیرو اور نیوزی لینڈ کے سینئر وزراءاور یورپی انویسٹمنٹ بینک (ای آئی بی) کے صدر سے ملاقات کریں گی۔

وزارت کے مطابق، پرتگال کے لزبن کے دورے کے دوران، سیتا رمن پرتگال کے وزیر خزانہ کے ساتھ دو طرفہ میٹنگ کریں گی۔ اس کے علاوہ وہ اہم سرمایہ کاروں اور ہندوستانی تارکین وطن سے بھی بات چیت کریں گی۔ ریو ڈی جنیرو میں مرکزی وزیر خزانہ ہندوستان کے گورنر کی حیثیت سے نیو ڈیولپمنٹ بینک (این ڈی بی) کی 10ویں سالانہ میٹنگ سے خطاب کریں گے اور برکس وزرائے خزانہ اور مرکزی بینک کے گورنروں کی میٹنگ (ایف ایم سی بی جی) میں بھی شرکت کریں گے۔

وزیر خزانہ نرملا سیتا رمن بھی این ڈی بی میٹنگوں کے ایک حصے کے طور پراین ڈی بی کے فلیگ شپ گورنرز سیمینار کے دوران ’بلڈنگ ایک پریمیئر ملٹی لیٹرل ڈیولپمنٹ بینک فار دی گلوبل ساو¿تھ‘ کے موضوع پر خطاب کریں گی۔ اس کے علاوہ، وزیر خزانہ این ڈی بی کے اجلاسوں کے موقع پر برازیل، چین، انڈونیشیا اور روس کے اپنے ہم منصبوں کے ساتھ دو طرفہ ملاقاتیں کریں گے۔

ہندوستھان سماچار

ہندوستان سماچار / Mohammad Khan