گاندھی نگر، 28 جون (ہ س)۔ احمد آباد میں 12 جون کو پیش آنے والے طیارہ حادثے میں تمام مسافروں اور عملے کے ارکان کا ڈی این اے ٹیسٹ مکمل کر لیا گیا ہے اور ان تمام 241 جاں بحق ہونے والوں کی لاشیں عزت کے ساتھ ان کے اہل خانہ کے حوالے کر دی گئی ہیں۔ وزیر صحت رشیکیش پٹیل نے ہفتہ کو یہ جانکاری دی۔

ان کا کہنا تھا کہ اب تک طیارہ حادثے میں جاں بحق ہونے والوں کی تعداد 260، ڈی این اے ٹیسٹ سے 254 اور چہرے کی شناخت کے ذریعے 6 کی شناخت ہو چکی ہے، تمام لاشیں لواحقین کے حوالے کر دی گئی ہیں۔

وزیر نے ہیلتھ ورکرز، پولیس اہلکاروں، ایف ایس ایل، اے ایم سی ٹیم، رضاکاروں اور دیگر تمام لوگوں کا شکریہ ادا کیا جنہوں نے اس حادثے کے بعد بہترین کام اور مناسب انتظام کیا۔ انہوں نے کہا کہ ان تمام شعبہ جات کی کوآرڈی نیشن کی وجہ سے ڈی این اے میچنگ اور لاشوں کے حوالے کرنے کا عمل بہت تیزی سے مکمل ہو سکا اور انہوں نے سب کو مبارکباد بھی دی۔

وزیر نے بتایا کہ جن 260 لاشوں کی شناخت کی گئی ہے ان میں 181 ہندوستانی، 7 پرتگالی، 52 برطانوی شہری، 1 کینیڈین اور 19 غیر مسافر شامل ہیں۔ 260 لاشوں میں سے 31 کو ہوائی جہاز سے اور 229 کو سڑک کے ذریعے بھیجا گیا ہے۔

انہوں نے مزید بتایا کہ 254 لاشوں کے ڈی این اے کے نمونے میچ کر چکے ہیں جن میں 241 مسافر اور 13 غیر مسافر شامل ہیں۔ کل 19 غیر مسافر لاشیں حوالے کی گئی ہیں جن میں سے 13 کی شناخت ڈی این اے رپورٹس اور 6 کی چہروں سے ہوئی ہے۔

ہندوستھان سماچار

---------------

ہندوستان سماچار / عبدالواحد