فرید آباد، 28 جون (ہ س)۔

شیئر مارکیٹ میں سرمایہ کاری کے نام پر دھوکہ دہی کے معاملے میں سائبر تھانہ سینٹرل کی ٹیم نے ہفتہ کو متھرا سے ملزم کھاتہ دار کو گرفتار کیا ہے۔ پولیس ترجمان نے بتایا کہ سیکٹر 82 میں رہنے والے ایک شخص نے سائبر تھانہ سنٹرل میں شکایت درج کرائی، جس میں اس نے الزام لگایا کہ اسے انسٹاگرام پر شیئر مارکیٹ میں تجارت کرنے کا پیغام موصول ہوا۔ جس میں اس نے دلچسپی ظاہر کی۔ اس پر دھوکہ بازوں نے اسے ڈیمیٹ اکاو¿نٹ کا اسکرین شاٹ شیئر کرنے کو کہا۔ پھر اسے ایک واٹس ایپ گروپ میں شامل کیا گیا، جہاں سرمایہ کاری پر حاصل ہونے والے منافع کے اسکرین شاٹس گروپ میں موجود دوسرے لوگوں نے شیئر کیے تھے۔ شکایت کنندہ کو لالچ دے کر سرمایہ کاری کرنے کو کہا گیا جس کے بعد اسے ایک لنک بھیجا گیا اور اس کا اکاو¿نٹ کھول دیا گیا۔

اس نے مجموعی طور پر 8 لاکھ کی سرمایہ کاری کی لیکن وہ اس اکاو¿نٹ سے کوئی رقم نہیں نکال سکا اور نہ ہی اسے جعلسازوں کی جانب سے کوئی جواب دیا جا رہا تھا۔ اس شکایت پر سائبر تھانہ سنٹرل میں متعلقہ دفعات میں مقدمہ درج کیا گیا۔ اس معاملے میں کارروائی کرتے ہوئے پولیس ٹیم نے شیوم (23) شرما ساکن لکشمی پورم نزد پاتھواری مندر (نوادہ) متھرا یوپی کو گرفتار کیا ہے۔ دوران تفتیش انکشاف ہوا کہ ملزم ایک کھاتہ دار ہے جس نے اپنا کھاتہ جعلسازوں کو دیا تھا۔ اس کے اکاو¿نٹ میں 2 لاکھ روپے کی فراڈ کی رقم آئی تھی۔ ملزم بی اے پاس ہے اور اسے متھرا کی عدالت میں پیش کیا گیا ہے اور اسے چار روزہ پولیس ریمانڈ پر لیا گیا ہے۔

ہندوستھان سماچار

ہندوستان سماچار / عطاءاللہ