پلوامہ 26 جون(ہ س )۔ایک اہم پیش رفت میں، ایس ڈی پی او اونتی پورہ کی نگرانی میں پولیس اسٹیشن اونتی پورہ نے کامیابی کے ساتھ 31 بھیڑیں اور 3 بکریاں برآمد کیں اور مویشیوں کی چوری کے ایک معاملے میں ملوث 05 ملزمان کو گرفتار کیا۔ پولیس کے ایک ترجمان نے بتایا کہ 23 جون کو پولیس اسٹیشن اونتی پورہ کو محمد زبیر کی طرف سے بارسو گاؤں سے مویشیوں کی چوری کی تحریری شکایت موصول ہوئی تھی۔ اس کے مطابق ایف آئی آر نمبر 145/2025 کے تحت قانون کی متعلقہ دفعات کے تحت پولیس اسٹیشن اونتی پورہ میں ایک مقدمہ درج کیا گیا اور ایس ڈی پی او اونتی پورہ راجہ ماجد بٹ کی قریبی نگرانی میں ایس ایچ او پی ایس اونتی پورہ ڈی ایس پی (پی) عاطف ظہور کی سربراہی میں ایک تحقیقاتی ٹیم تشکیل دی گئی۔ تیزی سے کام کرتے ہوئے، ٹیم نے تفصیلی تفتیش کی، مقامی علاقے سے لیڈز اور انٹیلی جنس حاصل کی۔ تفتیشی ٹیم کی کوششوں سے ایک اعظم بکروال ولد مقبول بکروال کو پوچھ گچھ کے لیے لایا گیا جس سے 34 بھیڑیں اور بکرے برآمد ہوئے اور 05 ملزمان کو گرفتار کیا گیا جن کی شناخت نثار احمد میر ولد ثناء اللہ میر ساکنہ پورہ قاضی گنڈ

رشید احمد میر ولد محمد یعقوب میر ساکنہ کچی پورہ قاضی گنڈ,لیاقت علی ولد مکھن احمد بوملا ساکنہ کڑیگام قاضی گنڈ,محمد صابر کھاری ولد ملا بکروال ساکنہ گلشن پورہ ترال اور اعظم بکروال ولد محمود بکروال ساکنہ گلشن پورہ ترال کے بطور ہوئی ہے۔

جنہوں نے ابتدائی تفتیش کے دوران اپنے ملوث ہونے کا اعتراف کیا۔ برآمد شدہ مویشیوں کو قانونی کارروائی مکمل کرنے کے بعد ان کے حقیقی مالکان کے حوالے کر دیا گیا ہے۔ پولیس ایسے سماج دشمن عناصر سے قانون کے مطابق سختی سے نمٹے گی تاکہ علاقے کو ایسے جرائم سے پاک رکھا جا سکے۔ ضلع پولیس اونتی پورہ روزی روٹی کے تحفظ کے لیے پرعزم ہے اور اس طرح کی مجرمانہ سرگرمیوں میں ملوث افراد کے خلاف سخت کارروائی جاری رکھے گی۔ مزید تفتیش جاری ہے۔ہندوستھان سماچار

ہندوستان سماچار / Mir Aftab