بنگلورو، 23 جون (ہ س)۔

کرناٹک کے وزیر اعلیٰ سدارامیا نے مرکزی حکومت پر زور دیا ہے کہ وہ 16ویں مالیاتی کمیشن کے تحت کرناٹک کو فنڈز کی مناسب تقسیم کو یقینی بنائے۔ انہوں نے بھارتیہ جنتا پارٹی کے رہنماو¿ں پر یہ بھی الزام لگایا کہ وہ کرناٹک کو جاری کردہ خصوصی گرانٹ کے طور پر تجویز کردہ رقم حاصل کرنے میں ناکام رہے ہیں۔

پیر کو رائچور میں میڈیا سے بات کرتے ہوئے وزیر اعلیٰ نے کہا کہ کرناٹک کے بی جے پی کے ایک رکن پارلیمنٹ نے بھی ریاست کی حمایت میں اس سنگین مسئلہ پر آواز نہیں اٹھائی ہے۔ انہوں نے کہا کہ وزیر اعظم کے قریبی اور بااثر وزیر ہونے کے باوجود مرکزی وزیر پرہلاد جوشی فینانس کمیشن کے ذریعہ کرناٹک کو خصوصی گرانٹ کے طور پر تجویز کردہ 11,495 کروڑ روپئے جاری کرنے میں ناکام رہے ہیں۔

انہوں نے کہا کہ پرہلاد جوشی کو کرناٹک کے مفادات کے بارے میں بات کرنے کا کوئی اخلاقی حق نہیں ہے جب تک کہ مرکزی حکومت کی طرف سے صحیح گرانٹ جاری نہیں کیا جاتا۔ انہوں نے کہا کہ کرناٹک کو 14ویں مالیاتی کمیشن کے مقابلے میں مختص میں تقریباً 80,000 کروڑ روپے کا نقصان ہوا ہے۔

ہندوستھان سماچار

ہندوستان سماچار / عطاءاللہ