اشوک نگر، 22 جون (ہ س)۔

اشوک نگر کے منگاولی کی ڈپو کالونی میں اتوار کی صبح ایک کچے مکان پر نیم کا درخت گر گیا۔ حادثے میں گھر کے اندر سورہی بچی دب کر جاں بحق ہوگئی۔ دوپہر کو پوسٹ مارٹم کے بعد لاش لواحقین کے حوالے کر دی گئی۔ یہ حادثہ اتوار کی صبح تقریباً 5 بجے پیش آیا۔

اس سلسلے میں موصولہ اطلاع کے مطابق مقامی رہائشی جئے سنگھ جادھو کا کچا مکان ہے۔ اس کے گھر کے قریب نیم کا ایک پرانا درخت لگا ہوا تھا۔ اتوار کی صبح اچانک درخت گھر پر گر گیا۔ حادثہ کے وقت جئے سنگھ جادھو کی ڈھائی سالہ بیٹی سواتی جادھو اپنے گھر والوں کے ساتھ گھر میں سو رہی تھی۔ درخت گرنے سے کچا مکان گر گیا۔ جس کی وجہ سے اہل خانہ اندر پھنس گئے۔ چیخ و پکار سن کر آس پاس کے لوگ موقع پر پہنچے۔ انہوں نے شاخیں ہٹائیں اور گھر میں پھنسے لوگوں کو باہر نکالا۔ حادثے میں سواتی شدید زخمی ہو گئی۔ زخمی بچی کو فوری طور پر منگولی سول اسپتال لے جایا گیا۔ ابتدائی طبی امداد کے بعد اس کی حالت نازک ہونے پر اسے ضلع اسپتال ریفر کیا گیا۔ لڑکی کی وہاں علاج کے دوران دوپہر میں موت ہوگئی۔ پوسٹ مارٹم کے بعد لاش لواحقین کے حوالے کر دی گئی۔

ہندوستھان سماچار

---------------

ہندوستان سماچار / انظر حسن