پٹنہ، 18 جون (ہ س)۔ بہار میں ویشالی ضلع کے چاند پورہ تھانہ علاقے کے جہانگیر پور گاؤں میں بدھ کے روز کنویں میں ڈوب کر ایک ہی خاندان کے تین افراد کی موت ہو گئی۔

مرنے والوں کی شناخت 60 سالہ بندیشور رائے، ان کے 30 سالہ بھتیجے وکاس رائے اور 25 سالہ بیٹے شیلندر رائے کے طور پر کی گئی ہے۔ واقعہ کے بارے میں بتایا جاتا ہے کہ بدھ کی دوپہر بندیشور رائے کی گائے کھل گئی تھی۔ گائے کو پکڑنے کی کوشش میں بندیشور کنویں میں گر گیا۔ اسے بچانے کے لیے کنویں میں اترنے والے وکاس کمار اور روہت کمار کی بھی ڈوب کر موت ہو گئی۔

واقعہ کی اطلاع ملتے ہی مقامی لوگ موقع پر پہنچ گئے۔ اطلاع ملنے پر پہنچی پولیس نے تینوں کی لاشیں کنویں سے باہر نکالیں۔ تین بھائیوں میں سب سے چھوٹا روہت کمار گجرات میں ایک ٹیکسٹائل فیکٹری میں کام کرتا تھا۔ وہ حال ہی میں چھٹی پر گھر آیا تھا۔ چار ماہ قبل اس کی شادی ہوئی تھی۔ وکاس کمار ٹرک چلاتے تھے۔ وہ تین بھائیوں میں سب سے بڑا تھا۔ اس کے تین بچے ہیں۔ بندیشور رائے ایک کسان تھے۔ ان کی تین بیٹیاں اور تین بیٹے ہیں۔

ہندوستھان سماچار

ہندوستان سماچار / Mohammad Afzal Hassan