ناگدا، 18 جون (ہ س)۔ کانگریس کے سنگٹھن سروجن ابھیان کے تحت مرکزی مبصر ندیم جاوید بدھ کو اجین ضلع کے ناگدا پہنچے۔ یہاں انہوں نے ایک اجلاس میں ضلعی صدر کے انتخاب کے لیے کارکنوں کی رائے لی۔ اس سے قبل انہوں نے کارکنوں سے خطاب کیا۔ انہوں نے اسٹیج سے آئین کی کاپی دکھاتے ہوئے کہا کہ اب یہ خطرے میں ہے۔ اس کے پیجز پر حملے ہو رہے ہیں۔ جمہوریت پر بھی حملہ ہو رہا ہے۔ سنگٹھن سروجن کے تحت راہل گاندھی نے کانگریس کو متحد کرکے ہر گاؤں میں ایک تنظیم بنا کر آئین کو بچانے کی ذمہ داری لی ہے۔

ندیم نے کارکنوں سے آئندہ 2028 کے مدھیہ پردیش اسمبلی انتخابات میں کانگریس کی حکومت بنانے کی اپیل کی۔ یہ الیکشن ملک کے مستقبل کا فیصلہ کرے گا۔ ریاست کے گزشتہ اسمبلی انتخابات کی مثال دیتے ہوئے انہوں نے کہا کہ اس الیکشن میں بی جے پی کو 48 فیصد ووٹ ملے تھے جبکہ کانگریس 40 فیصد ووٹ حاصل کرنے میں کامیاب رہی تھی۔ کارکنان اب اتحاد کے ساتھ حکومت بنانے کے لیے آگے آئیں۔

اجین ضلع میں ضلع صدر کے عہدہ کو اہم بتاتے ہوئے انہوں نے کہا کہ یہ وزیر اعلیٰ کا آبائی ضلع ہے۔ یہاں ایک ایسے شخص کو ذمہ داری دینے کی کوشش کی جائے گی جو مقابلہ کرنے کی صلاحیت رکھتا ہو۔ پروگرام سے سابق ایم ایل اے دلیپ سنگھ گجر نے بھی خطاب کیا۔

---------------

ہندوستان سماچار / عبدالسلام صدیقی