غازی آباد، 10 جون (ہ س)۔ لونی بارڈر تھانہ علاقہ میں اس وقت سنسنی پھیل گئی جب لوگوں نے بہٹا نہر کی سڑک کے کنارے ایک سوٹ کیس میں لڑکی کی لاش پائی۔ لوگوں نے اس کی اطلاع پولیس کو دی۔ پولیس نے موقع پر پہنچ کر سوٹ کیس کو اپنے قبضے میں لے لیا اور وہاں سے برآمد ہونے والی لاش کو پوسٹ مارٹم کے لیے بھیج دیا۔ پولیس نے معاملے کی سنجیدگی سے تفتیش شروع کر دی ہے۔

اے سی پی اجے کمار سنگھ نے منگل کو بتایا کہ لوگوں نے آج صبح بہٹا نہر کی سڑک کے کنارے ایک سوٹ کیس پڑا دیکھا۔ شبہ ہونے پر یہ اطلاع مقامی پولیس کو دی گئی۔ پولیس نے موقع پر پہنچ کر سوٹ کیس کو دیکھا تو سوٹ کیس کے اندر سے 26 سالہ خاتون کی لاش ملی۔ فی الحال پولیس نے لاش کو اپنی تحویل میں لے کر خاتون کی شناخت کے ساتھ تفتیش شروع کردی ہے۔ سوٹ کیس کپڑے کی چادر سے بندھا ہوا تھا۔ جب لوگوں کو اس پر شک ہوا تو مقامی پولیس کو اس کی اطلاع دی گئی۔ اطلاع کی بنیاد پر پولیس نے فوراً موقع پر پہنچ کر چادر سے بندھے سوٹ کیس کو کھولا تو سوٹ کیس کے اندر سے ایک خاتون کی لاش ملی۔ سوٹ کیس کو دیکھ کر لگتا ہے کہ لاش کسی اور جگہ قتل کرنے کے بعد یہاں پھینک دی گئی ہے۔ پولیس کی ابتدائی تفتیش میں معلوم ہوا کہ وہ ایک ہندو خاتون ہے جس کی عمر تقریباً 25 سال ہے۔ عورت کے سر پر سندور اور پاؤں میں پازیب ہے۔ جس سے معلوم ہوتا ہے کہ خاتون ایک شادی شدہ ہندو خاتون ہے۔ فی الحال پولیس خاتون کی شناخت میں مصروف ہے۔

---------------

ہندوستان سماچار / عبدالسلام صدیقی