نئی دہلی، 9 مئی (ہ س)۔

ہندوستان-پاکستان کشیدگی کے درمیان، وزیر اعظم نریندر مودی نے جمعہ کو گجرات کے وزیر اعلی بھوپیندر پٹیل سے سرحدی ریاست کے طور پر تیاریوں اور سرحد پر کشیدگی کی موجودہ صورتحال کے بارے میں بات کی اور انہیں شہریوں کی حفاظت سے متعلق ضروری ہدایات دیں۔

وزیر اعلیٰ پٹیل نے ایک انسٹاگرام پوسٹ میں کہا، وزیر اعظم نریندر مودی نے مجھ سے ٹیلی فون پر بات کی اور ایک سرحدی ریاست کے طور پر گجرات کی تیاریوں اور سرحدی کشیدگی کی موجودہ صورتحال میں ریاستی حکومت کی طرف سے کی گئی پیشگی منصوبہ بندی کے بارے میں دریافت کیا اور اس سلسلے میں ضروری رہنمائی فراہم کی۔

انہوں نے کہا، وزیراعظم نے شہریوں کی حفاظت اور تحفظ کے لیے ریاستی حکومت کی طرف سے اٹھائے گئے مناسب اقدامات کے بارے میں بھی دریافت کیا، خاص طور پر حساس اضلاع جیسے کچھ، بناس کانٹھا ، پٹن، جام نگر، جن کی پاکستان کے ساتھ سرحد ملتی ہے۔

ہندوستھان سماچار

ہندوستان سماچار / عطاءاللہ