نئی دہلی، 9 مئی (ہ س)۔

بھارت کا کہنا ہے کہ گزشتہ رات پاکستان نے 36 مقامات پر سرحدی خلاف ورزی کرتے ہوئے بھارتی فوجی اور سویلین علاقوں کو نشانہ بنایا اور 400 حملے کیے۔ اس دوران پاکستان نے غیر ذمہ دارانہ رویہ اپنایا اور جنگی علاقوں سے سویلین طیاروں کی نقل و حرکت پر پابندی نہیں لگائی۔ جس کے جواب میں بھارت نے منہ توڑ جواب دیا اور چار مقامات پر کارروائی کی جس میں وہ پاکستان کے ایک اور دفاعی نظام کو تباہ کرنے میں کامیاب ہوگیا۔

سکریٹری خارجہ وکرم مسری نے جمعہ کو نئی دہلی میں منعقدہ ایک خصوصی پریس کانفرنس میں یہ جانکاری دی۔ انہوں نے کہا کہ پاکستان نے جان بوجھ کر سویلین اور ملٹری انفراسٹرکچر کو نشانہ بنایا اور اس کا مقصد ہندوستان کے فوجی دفاعی ڈھانچے کو سمجھنا تھا۔ حملے میں ترک ساختہ ڈرون استعمال کیا گیا۔ جوابی کارروائی کے بارے میں مسری نے کہا کہ بھارت نے کل پوری ذمہ داری کے ساتھ جواب دیا۔

آئی ایم ایف سے پاکستان کے بیل آو¿ٹ سے متعلق ایک سوال پر مسری نے کہا کہ ہندوستان آج ہونے والے آئی ایم ایف اجلاس میں اپنا موقف پیش کرے گا۔ مسری نے کہا، پاکستان نے بھارت کے فوجی انفراسٹرکچر کی چھان بین کے ارادے سے کنٹرول لائن کے پار بڑے پیمانے پر ڈرون حملے اور بھاری فائرنگ کی۔

مسری نے پاکستان پر جھوٹ کی تمام حدیں پار کرنے اور انتہائی نچلی سطح پر جھکنے کا الزام لگایا۔ انہوں نے کہا کہ پاکستان نے اپنے حملوں میں ہمارے مذہبی مقامات کو بھی نشانہ بنایا ہے۔ اس کے برعکس وہ ہم پر ہمارے مذہبی مقامات کو نشانہ بنانے کا الزام لگا رہے ہیں۔ نیز، وہ اسے فرقہ وارانہ زاویہ دینے کی کوشش کر رہا ہے۔

ایک حملے کا حوالہ دیتے ہوئے، مسری نے کہا کہ 7 مئی کی صبح ایل او سی کے ساتھ پاکستان کی طرف سے بھاری گولہ باری کی گئی، جس میں ایک گولہ پونچھ میں کرائسٹ اسکول کے پیچھے گرا۔ جس میں دو طالب علموں کی موت ہو گئی اور ان کے والدین زخمی ہو گئے۔ پاکستان اب مذہبی مقامات کو نشانہ بنا رہا ہے۔

پریس کانفرنس میں کرنل صوفیہ قریشی اور ونگ کمانڈر ویومیکا سنگھ نے فوجی کارروائی کے بارے میں معلومات دیں۔ کرنل صوفیہ قریشی نے کہا کہ پاکستان کی جانب سے 300-400 کے قریب ڈرون بھیجے گئے جن میں سے زیادہ تر کو بھارتی فوج نے تباہ کر دیا۔ یہ ڈرون ترکی کی کمپنی اسسگارڈ نے تیار کیے ہیں۔ گزشتہ رات پاکستان کی طرف سے فائرنگ میں ہندوستانی فوجی مارے گئے۔ قریشی نے کہا، پاکستانی حملے کے جواب میں، ہندوستان نے مسلح ڈرون کا استعمال کرتے ہوئے چار فضائی دفاعی اڈوں کو نشانہ بنایا، جس میں ایک پاکستانی ریڈار تباہ ہو گیا ۔

صحافی ڈینیئل پرل کے قتل سے متعلق ایک سوال پر سیکرٹری خارجہ مسری نے کہا کہ بہاولپور دہشت گرد تنظیم جیش محمد کا ہیڈ کوارٹر ہے جس کی قیادت اقوام متحدہ کے کالعدم مولانا مسعود اظہر کر رہا ہے۔ انہوں نے کہا کہ ڈینیل پرل کے قتل میں بالواسطہ طور پر ملوث احمد عمر سعید شیخ بھی اس نیٹ ورک سے منسلک تھا۔

ہندوستھان سماچار

ہندوستان سماچار / عطاءاللہ