نئی دہلی، 9 مئی (ہ س)۔

بھارت پاکستان کشیدگی کے درمیان آج دارالحکومت نئی دہلی میں ملاقاتوں کا سلسلہ جاری ہے۔ مرکزی صحت اور خاندانی بہبود کے وزیر جے پی نڈا نے جمعہ کو ملک کے تمام صحت مراکز اور صحت کے بنیادی ڈھانچے کا جائزہ لیا۔ تعمیر بھون میں منعقدہ میٹنگ میں وزارت صحت کے سینئر افسران نے صحت کی سہولیات کے بارے میں مکمل جانکاری دی۔ حکام نے بتایا کہ کنٹرول سینٹر سے پوری صورتحال پر نظر رکھی جا رہی ہے۔ حکام کا کہنا تھا کہ ملک کے ہسپتال کسی بھی صورت حال سے نمٹنے کے لیے پوری طرح تیار ہیں۔ قابل ذکر ہے کہ پاکستان بھارت کے آپریشن سندور سے بوکھلاہٹ کا شکار ہے۔ پاکستان نے جمعرات کی شب بھارت کے مختلف شہروں میں مسلسل ڈرون، میزائل اور فضائی حملے کیے تاہم بھارت نے اس کی ہر کوشش کو ناکام بنا دیا۔

ہندوستھان سماچار

ہندوستان سماچار / عطاءاللہ