نئی دہلی، 9 مئی (ہ س)۔ ریلوے کے وزیر اشونی ویشنو نے جمعہ کو جموں اور چنڈی گڑھ کے ہوائی اڈوں کی بندش کی وجہ سے سرحدی علاقوں میں پھنسے ہوئے مسافروں کے لیے خصوصی ٹرینیں چلانے کی ہدایت دی۔ وزیر کی ہدایت پر آج جموں اور ادھم پور سے چار خصوصی ٹرینیں چلائی گئیں۔

وزیر ریلوے نے آج ریل بھون میں ریل آپریشن کے انتظامات کا جائزہ لیا۔ صورتحال کا جائزہ لینے کے بعد انہوں نے ریلوے حکام کو ہدایت کی کہ وہ مختلف سرکاری اداروں کے ساتھ ہم آہنگی پیدا کریں اور سرحدی علاقوں میں لوگوں کی مدد کے لیے ٹرینیں چلائیں۔ ریگولر ٹرینوں کے ساتھ خصوصی ٹرینیں بھی ضرورت کے مطابق چلائی جائیں۔

ریلوے کی وزارت نے کہا کہ وزیر ریلوے کی ہدایات پر 9 مئی کو جموں اور ادھم پور سے چار خصوصی ٹرینیں چلائی گئیں۔ریلوے نے پہلی خصوصی ٹرین 04612 جموں اسٹیشن سے صبح 10:45 بجے چلائی جس میں 12 غیر ریزرو کلاس کوچز اور 12 ریزرو کلاس کوچ تھے۔ 20 کوچ والی وندے بھارت ایکسپریس رات 12:45 بجے ادھم پور سے روانہ ہوئی اور جموں اور پٹھان کوٹ کے راستے نئی دہلی پہنچی۔ 22 ایل ایچ بی کوچوں والی خصوصی ٹرین جموں اسٹیشن سے شام 7 بجے چلائی گئی۔ ایک اور وندے بھارت اسپیشل ٹرین چلائی گئی جو دوپہر 3:30 بجے جموں سے روانہ ہوئی اور شام کو نئی دہلی اسٹیشن پہنچے گی۔

---------------

ہندوستان سماچار / عبدالسلام صدیقی