نئی دہلی، 08 مئی (ہ س)۔ آج عالمی بازاروں سے ملے- جلے رجحانات نظر آرہے ہیں۔ امریکی بازار گزشتہ سیشن کے دوران اضافے کے ساتھ بند ہوئے۔ ڈاو¿ جونز فیوچرز بھی آج تیزی کے ساتھ کاروبار کرتا ہوا نظر آ رہا ہے۔ دوسری جانب گزشتہ سیشن کے دوران یورپی بازاروں میں مندی رہی۔ اس کے ساتھ ساتھ آج ایشیائی بازاروں میں عام طور پر خریداری کا ماحول قائم ہے۔
گزشتہ سیشن کے دوران امریکی بازاروں میں عمومی طور پر خریداری کا ماحول رہا، جس کی وجہ سے وال اسٹریٹ انڈیکس مضبوطی کے ساتھ بند ہونے میں کامیاب رہے۔ ایس اینڈ پی 500 انڈیکس 0.43 فیصد اضافے کے ساتھ 5,631.28 پوائنٹس پر بند ہوا۔ اسی طرح نیس ڈیک نے 0.27 فیصد چھلانگ لگا کر گذشتہ سیشن کے کاروبار کا خاتمہ 17,738.16 پوائنٹس پر کیا۔ ڈاو¿ جونز فیوچرز آج 246.05 پوائنٹ یعنی 0.60 فیصد اضافے کے بعد 41,360.02 پوائنٹس کی سطح پر تجارت کر رہا ہے۔
امریکی مارکیٹ کے برعکس گزشتہ سیشن کے دوران یورپی بازاروں میں فروخت کا دباو¿ رہا۔ ایف ٹی ایس ای انڈیکس 0.45 فیصد گر کر 8,559.33 پوائنٹس پر بند ہوا۔ اسی طرح، سی اے سی انڈیکس 0.92 فیصد گر کر گزشتہ سیشن کے اختتام پر 7,626.84 پوائنٹس پر رہا۔ اس کے علاوہ ڈی اے ایکس انڈیکس 133.69 پوائنٹس یعنی 0.58 فیصد کی کمی کے ساتھ 23,115.96 پر بند ہوا۔
ایشیائی بازاروں میں آج عام طور پر مضبوطی کا رجحان ہے۔ 9 ایشیائی بازاروں میں سے 7 انڈیکس سبز رنگ میں کاروبار کر رہے ہیں، جبکہ 2 انڈیکس کمی کے ساتھ سرخ رنگ میں ہیں۔ سیٹ کمپوزٹ انڈیکس 0.46 فیصد کی کمزوری کے ساتھ 1,214.60 پوائنٹس پر کاروبار کر رہا ہے۔ اسی طرح جکارتہ کمپوزٹ انڈیکس 0.50 فیصد گر کر 6,891.48 پوائنٹس پر آگیا۔
دوسری طرف، گفٹ نفٹی 0.22 فیصد اضافے کے ساتھ 24,471.50 پوائنٹس کی سطح پر کاروبار کر رہا ہے۔ اسی طرح نکیئی انڈیکس 0.27 فیصد اضافے کے ساتھ 36,879.54 پوائنٹس کی سطح پر پہنچ گیا ہے۔ ہینگ سینگ انڈیکس نے آج بڑی چھلانگ لگائی ہے۔ فی الحال، یہ انڈیکس 250.03 پوائنٹس یعنی 1.09 فیصد کی چھلانگ لگا کر 22,941.91 پوائنٹس کی سطح پر تجارت کرتا ہوا دیکھا جا رہا ہے۔ اسی طرح تائیوان ویٹڈ انڈیکس 150.83 پوائنٹس یعنی 0.73 فیصد اضافے کے ساتھ 20,697.32 پوائنٹس کی سطح پر پہنچ گیا ہے۔ اس کے علاوہ کوسپی انڈیکس 0.55 فیصد اضافے کے ساتھ 2,588.07 پوائنٹس کی سطح پر، شنگھائی کمپوزٹ انڈیکس 0.38 فیصد اضافے کے ساتھ 3,355.26 پوائنٹس کی سطح پر ٹر اور اسٹریٹس ٹائمز انڈیکس 0.02 فیصد اضافے کے ساتھ 3,873.05 پوائنٹس کی سطح پر کاروبار کر رہے ہیں۔
ہندوستھا ن سماچار
ہندوستان سماچار / محمد شہزاد
