بنگلورو،4مئی(ہ س)۔

بنگلورو کے ہندی ادیبوں کی ایک معروف تنظیم 'شبد' نے بہترین ادبی تحریر اور ہندی کے فروغ کے لیے شروع کیے گئے اپنے دو سالانہ ایوارڈز کے لیے اندراجات طلب کیے ہیں۔ پہلا انعام ایک لاکھ روپے کا اگیہ شبد سرجن سمان ہے، جو ملک کی ایک نامور ادبی شخصیت کو دیا جاتا ہے۔ دوسرا ایوارڈ دکشن بھارت شبد ہندی سیوک سمان 25ہزار روپے کا ہے۔ جو ایک نامور ہندی سیوک کو جنوبی ہندوستان میں ہندی زبان اور ادب کے فروغ میں ان کی نمایاں شراکت کے لیے دیا جاتا ہے۔

’شبد‘ ادبی ادارے کے صدر ڈاکٹر شری نارائن سمیر نے بتایا کہ ’اگیہ شبد سر جن سمان – 2025‘ کے لیے مصنف کا انتخاب ملک کے نامور ادیبوں/ایڈیٹروں/اسکالرز/ اشاعتی اداروں کی طرف سے تجویز کردہ مصنفین،تخلیق کاروں کی ادبی شراکت کی بنیاد پر اور گزشتہ تین برسوں(2022سے،2024) میں شائع ان کی کارکردگی کی شفاف جائزہ کی بنیاد پر کیا جائے گا۔ مجوزہ اندراجات، کوائف

میں مصنف کا نام اور رابطے کا پتہ (بشمول موبائل نمبر، میل آئی ڈی)، پچھلے 3 سالوں میں شائع ہونے والی کتاب کی تفصیلات اور اس کی خاصیت (بشمول پبلشر کا نام اور پتہ، موبائل/فون/میل آئی ڈی) اور مصنف کی مجموعی شراکت کی مختصر تفصیل (زیادہ سے زیادہ 200 الفاظ میں) درکار ہوگی۔رجسٹریشن کے ساتھ متعلقہ کتاب کی 4 کاپیاں بھیجنا ضروری ہو گا۔

جنوبی ہندوستان میں رہنے والے ہندی رضاکاروں/ تخلیق کاروں میں سے دکشن بھارت شبد ہندی سیوک سمان-2025 کے لیے اہل ہندی رضاکاروں کا انتخاب کیا جائے گا۔ جنوبی ہند کی عوامی زندگی میں نامور ادیبوں/ایڈیٹروں/اسکالرز/ممتاز شہریوں کے تجویز کردہ ناموں سے انتخاب کیا جائے گا۔ سفارشی اندراجات 30 جون 2024 تک چیئرمین: شبد ، بی - 8/403،شریرام اسپندن، چیلاگھٹا، بنگلورو - 560037 کے پتے پر پہنچ جانی چاہئیں۔

ڈاکٹر سمیر کے مطابق، یہ بنگلورو کے ادب سے محبت کرنے والے سماج کے 'شبد' ادبی ادارے پر اعتماد کا ثبوت ہے کہ اگیہ شبد سر جن سمان کے اخراجات شہر کے مشہور سماجی کارکن اور عظیم جدید شاعر-مصنف سچیدانند ہیرانند وتشیاین اور اگیہ ساہتیہ کے سر براہ شری بابو لال گپتا فاو¿نڈیشن کے ذریعہ کیا جاتاہے۔ جبکہ جنوبی ہند شبد ہندی سیوی سمان کے اخراجات بنگلور اور چنئی سے شائع ہونے والے معروف ہندی روزنامہ 'دکشن بھارت راشٹرمیت' اٹھاتے ہیں۔ باقی اخراجات 'شبد' کے اراکین رضاکارانہ طور پر برداشت کرتے ہیں۔

یہ ایوارڈز تنظیم کے سلور جبلی سال 2022 میں شروع کیے گئے تھے۔ ماہانہ کمپوزیشن سیمینار اور 'شبد' کی سالانہ تقریب کے انعقاد کا سلسلہ 13 جولائی 1997 کو تنظیم کے قیام کے بعد سے بلا تعطل جاری ہے۔ کورونا کے دور میں بھی 'شبد' کے آن لائن ماہانہ سیمینار منعقد کیے گئے، جن میں متعدد شاعروں اور کویوں نے شرکت کی۔ ہندوستان اور بیرون ملک کے ادیبوں نے شرکت کی۔

ہندوستھان سماچار

ہندوستان سماچار / عطاءاللہ