لوکا موڈرچ ریئل میڈرڈ کو الوداع کہیں گے، کلب ورلڈ کپ کے بعد وداعی لیں گے

نئی دہلی، 23 مئی (ہ س)۔ فٹبال کی دنیا کے بہترین مڈفیلڈرز میں سے ایک لوکا موڈرچ جلد ہی ریئل میڈرڈ کو الوداع کہنے والے ہیں۔ کلب کے کامیاب ترین کھلاڑیوں میں سے ایک موڈرچ نے جمعرات کو تصدیق کی کہ وہ کلب ورلڈ کپ کے بعد کلب چھوڑ دیں گے۔ موڈرچ 2018 کے بیلن ڈی آر کے فاتح، 2012 سے کلب کے ساتھ ہیں اور ریئل کے لیے تقریباً 600 میچوں میں نظر آئے ہیں۔

39 سالہ کروشین مڈفیلڈر کا آخری ہوم میچ ہفتہ کو ریئل سوسیداد کے خلاف لا لیگا کا فائنل ہوگا۔ اس کے بعد وہ جون میں شروع ہونے والے کلب ورلڈ کپ میں ٹیم کا حصہ ہوں گے اور اس کے بعد وہ ریٹائر ہو جائیں گے۔ موڈرچ نے اپنے انسٹاگرام پوسٹ میں لکھا، ’’وہ لمحہ آ گیا ہے جو میں نے کبھی نہیں چاہا تھا۔ لیکن فٹ بال اور زندگی میں ہر چیز کا ایک آغاز اور اختتام ہوتا ہے۔ ہفتہ کو میں اپنا آخری میچ سینٹیاگو برنبیو میں کھیلوں گا۔‘‘

انہوں نے مزید لکھا، ’’ ریئل میڈرڈ کے لیے کھیلنا میرے لیے زندگی بدل دینے والا تجربہ رہا۔ مجھے اس کلب کی سب سے کامیاب نسل کا حصہ ہونے پر فخر ہے۔ اگرچہ میں کلب ورلڈ کپ کے بعد اس جرسی میں نہیں کھیلوں گا، لیکن میں ہمیشہ دل سے 'میڈریڈسٹا رہوں گا۔‘‘

ریئل میڈرڈ کے ساتھ لوکا موڈرچ کی کامیابیاں:

لا لیگا: 17-2016، 20-2019، 21-2020، 24-2023

کوپا ڈیل رے: 14-2013، 23-2022

سپرکوپا ڈی اسپینا: 2012، 2017، 2020، 2022، 2024

یو ای ایف اےچیمپئنز لیگ: 14-2013، 16-2015، 17-2016، 18-2017، 22-2021، 23-2022

یو ای ایف اےسپر کپ: 2014، 2016، 2017، 2022، 2024

فیفا کلب ورلڈ کپ: 2014، 2016، 2017، 2018، 2022

فیفا انٹرکانٹینینٹل کپ: 2024

ہندوستھان سماچار

---------------

ہندوستان سماچار / انظر حسن