نئی دہلی، 12 مئی (ہ س)۔ ملک کی سب سے بڑی کار ساز کمپنی ماروتی سوزوکی انڈیانے اپنی ویگن آر، آلٹو کے 10 اور ایکو ماڈلز کی تمام کاروں میں چھ ایئر بیگز کو معیار کے طور پرشامل کیا ہے۔ یہ اپ ڈیٹ کمپنی کی جانب سے سیکورٹی بڑھانے کے لیے کیاگیا ہے۔ اب ان گاڑیوں میں سفر کے دوران مسافر پہلے سے زیادہ محفوظ ہوں گے۔

ماروتی سوزوکی انڈیا مینجمنٹ کی طرف سے پیر کے روز جاری کردہ ایک بیان کے مطابق، ویگن آر، آلٹو کے 10، سیلریو اور ایکو جیسے ماڈلز کے تمام ایڈیشن میں چھ ایئر بیگز کی پیش کش کرے گا۔ کمپنی نے کہا کہ یہ اقدام مختلف شعبوں میں صارفین کو بہتر سیکورٹی پیش کرنے کے لیے کمپنی کے عزم کی نشاندہی کرتا ہے۔

کمپنی کے سینئر ایگزیکٹو آفیسر (مارکیٹنگ اور سیلز) پارتھو بنرجی نے کہا کہ ہندوستان کا تیزی سے پھیلتا ہوا جدید روڈ انفراسٹرکچر، تیز رفتار ایکسپریس ویز اور نقل و حرکت کے بڑھتے ہوئے پیڑن ظاہر کرتے ہیں کہ مضبوط حفاظتی اقدامات کی ضرورت اس سے زیادہ پہلے کبھی نہیں تھی۔ ویگن آر، آلٹو کے 10، سیلریو اور ایکو میں چھ ایئر بیگز کو ایک معیار بنانے کے فیصلے کے ساتھ کمپنی اس بات کو یقینی بنا رہی ہے کہ سب کے لیے بہتر حفاظت دستیاب ہو۔

پارتھو بنرجی نے کہا کہ ان ماڈلز کی بے پناہ مقبولیت کو دیکھتے ہوئے، یہ اقدام بڑی تعداد میں گاڑی چلانے والوں کے لیے حفاظتی معیارات کو کافی حد تک بڑھاتا ہے اور ملک بھر میں مسافروں کی حفاظت میں مجموعی طور پر تعاون کرتا ہے۔ درحقیقت، ماروتی اپنے ایرینا سیلز نیٹ ورک کے ذریعے ویگن آر، آلٹو ، سیلریو اور ایکو جیسے ماڈلز فروخت کرتی ہے، جبکہ اپنے نیکسا نیٹ ورک کے ذریعے وہ بیلینو، گرینڈ وٹارا اور انوکٹو جیسے پریمیم ماڈل فروخت کرتی ہے۔

ہندوستھان سماچار

ہندوستان سماچار / محمد شہزاد